Bílar

Virðisaukaskattur af vinnu við fólksbifreiðar endurgreiddur

Kristinn Ásgeir Gylfason skrifar
Undir verkefnið falla viðgerðir, bílamálningar eða bílaréttingar fólksbifreiða í einkaeigu.
Undir verkefnið falla viðgerðir, bílamálningar eða bílaréttingar fólksbifreiða í einkaeigu. Vísir/fréttir Stöðvar 2
Heimiluð hefur verið útvíkkun á verkefninu „Allir vinna“ og nær það nú til vinnu við viðgerðir á fólksbifreiðum. Mun möguleiki til endurgreiðslu einungis ná til vinnuliðs, ekki til varahluta eða annarra íhluta.



Heimildin hefur verið veitt út árið 2020, frá og með 1. mars síðastliðnum, að því er fram kemur á vef Bílgreinasambandsins (BGS). Allir sem hafa látið vinna í fólksbíl sínum frá og með 1. mars geta því fengið virðisaukaskatt af vinnulið reikningsins endurgreiddan, ef vinnuliðurinn nær 25.000 kr. að lágmarki án virðisaukaskatts. BGS hafði óskað eftir þessari heimild til endurgreiðslu nýlega sjá: BGS óskar eftir aðgerðaráætlun fyrir fyrirtæki í viðskiptum með ökutæki. Sú ósk var tilkomin vegna COVID-19 faraldursins.



Undir verkefnið falla viðgerðir, bílamálningar eða bílaréttingar fólksbifreiða í einkaeigu. Heimildin gildir ekki vegna bíla sem notaðir eru í atvinnurekstri hvort sem þeir eru í eigu einstaklinga eða fyrirtækja. Þá er skilyrði endurgreiðslu að seljandi vinnunnar sé skráður á virðisaukaskattskrá þegar viðskiptin eiga sér stað.



Endurgreiðslan verður afgreidd eins fljótt og auðið er eftir að öll skjöl hafa borist Skattinum. Þó eigi síður en 90 dögum eftir að erindi berst. Enn á þó eftir að útfæra nákvæmt ferli umsóknar um endurgreiðslu hjá Skattinum.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.