Bílar

Blóðhundurinn í spyrnu aldarinnar

Kristinn Ásgeir Gylfason skrifar
Blóðhundurinn í gömlum litum.
Blóðhundurinn í gömlum litum. Vísir/Getty

Í fréttinni er að finna myndband sem ber saman meðal fólksbíl, Bugatti Chiron, Formúlu 1 bíl og landhraðametsbílinn Blóðhundinn.

Myndbandið kemur frá teyminu sem vinnur að Blóðhundinum. Engar prófanir eru í gangi sökum COVID 19 faraldursins. Teymið hefur því dundað sér við útreikninga og gerð þessa áhugaverða myndbands. Þar má sjá hversu hægur hinn hefðbundni fólksbíll er í samanburði við Blóðhundinn.

Á meðan fólksbíllinn er að komast upp í 100 km/klst. nær Blóðhundurinn rúmlega 170 km/klst. en á sama tíma er Bugatti Chiron kominn á um 235 km/klst. og Formúlu 1 bíllinn er á 273 km/klst.

Blóðhundurinn sækir þó á og er byggður til að halda stöðugt áfram að auka hraðan, ekki komast hratt af stað. Eftir 18 sekúndur er Blóðhundurinn farinn að láta Chiron sem þá er á um 330 km/klst. líta út fyrir að fara hægt yfir. Blóðhundurinn er þá kominn á 444 km/klst. og tekur fram úr Chiron. Einungis sekúndu seinna tekur hann svo fram úr Formúlu 1 bílnum sem er kominn á hámarkshraðann sinn, um 320 km/klst., Blóðhundurinn er þá kominn á um 478 km/klst.

Chiron nær svo Formúlu 1 bílnum eftir 29 sekúndur á um 385 km/klst. Þá hins vegar er Blóðhundurinn kominn á um 715 km/klst. Hann heldur svo áfram upp í 1011 km/klst. á 50 sekúndum.

Markmiðið með smíði Blóðhundsins er að rjúfa 1609 km/klst. múrinn (1000 mílur á klukkustund). Prófanir munu halda áfram um leið og það verður orðið öruggt.


Tengdar fréttir

Blóðhundurinn nær 740 km/klst

Landhraðametsbíllinn Blóðhundurinn náði fyrir helgina 740 km/klst. Myndband má sjá af bílnum á þeim hraða í fréttinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.