Veiði

Opið fyrir umsóknir til hreindýraveiða

Karl Lúðvíksson skrifar
Búið er að opna fyrir umsóknir til hreindýraveiða
Búið er að opna fyrir umsóknir til hreindýraveiða

Hreindýraveiðar eru vinsælar hér á landi en auk innlendra veiðimanna fjölgar sífellt erlendum veiðimönnum sem vilja skjóta hreindýr hér á landi.

Fyrir þá sem ætla að sækja um dýr fyrir komandi tímabil 2020 þá hefur verið opnað fyrir umsóknir og hér fyrir neðan er fréttatilkynning af vef Umhverfisstofnunar þess efnis.

"Umhverfisstofnun annast sölu hreindýraveiðileyfa. Umsóknarfrestur er til og með mánudeginum 9. mars en umsóknum skal skilað inn á vef Umhverfisstofnunar www.ust.is/veidimenn Heimilt er að veiða allt að 1325 hreindýr árið 2020, 805 kýr og 520 tarfa. Þessi fjöldi er með fyrirvara um að ekki verði verulegar breytingar á stofnstærð fram að veiðum. Samkvæmt gjaldskrá nr. 309/2018 er veiðigjaldið kr. 150.000 fyrir tarf og kr. 86.000 fyrir kú. Veiðigjaldið greiðist eigi síðar en 15. apríl.

Veiðitími tarfa er frá 15. júlí til og með 15. september. Á tímabilinu 15.júlí til 1. ágúst er veiði á törfum einungis heimiluð að því tilskildu að þeir séu ekki í fylgd með kúm og að veiðarnar trufli ekki kýr og kálfa í sumarbeit.

Veiðitími kúa er frá 1. ágúst til og með 20. september. Þeim eindregnu tilmælum er beint til veiðimanna að fyrstu tvær vikur veiðitímabilsins skuli lögð áhersla á að veiða eingöngu geldar kýr. Þessum tilmælum er ætlað að draga úr áhrifum veiða á kálfa og stuðla að því að kálfar verði ekki móðurlausir fyrir 12 vikna aldur. Á tímabilinu 1. nóvember til og með 20. nóvember eru veiðar á kúm heimilaðar á svæðum átta og níu. Í umsókn um veiðileyfi er valið um veiði á hefðbundum veiðitíma eða nóvemberveiðitíma."



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.