Leikjavísir

FIFA 20 fyrst á dagskrá á stærsta rafíþróttaviðburði landsins

Vésteinn Örn Pétursson skrifar
Úrslitin í FIFA 20-hluta Reykjavíkurleikanna ráðast um helgina.
Úrslitin í FIFA 20-hluta Reykjavíkurleikanna ráðast um helgina. RIG

Úrslitin ráðast á rafíþróttahluta Reykjavík International Games nú um helgina þar sem bestu rafíþróttamenn landsins mætast uppi á sviði í Háskólabíó til að fá úr því skorið hver fer með sigur af hólmi á stærsta rafíþróttaviðburði landsins. Í ár er keppt í þremur greinum, FIFA 20, League of Legends og Counter-Strike: Global Offensive og tóku yfir 250 manns þátt á leikunum.

Fyrst á dagskrá um helgina, eða á Laugardaginn 1. Febrúar, eru undanúrslit og úrslit í FIFA 20. Leikirnir verða spilaðir á sviðinu í Háskólabíó á milli 10:30 og 13:00.

Undankeppni var spiluð í FIFA 20 helgina 25. og 26. janúar. Alls mættu 13 tveggja manna lið til leiks og spiluðu upp á hvaða lið mætast í undanúrslitum uppi á sviði í Háskólabíó laugardaginn 1. febrúar.

Þá voru helstu FIFA spilarar landsins mættir til leiks í undankeppninni. Þar ber hæst að nefna leikmennina Jóhann Ólaf Jóhannsson, betur þekktur sem Jolli776 og Skúla Ágúst Arnarson, betur þekktur sem Skuliarnar, en þeir voru báðir í úrslitum einstaklingsmóts í FIFA 19 á meistaradögum RÚV 2019 þar sem Jolli776 fór með sigur af hólmi.

Jolli776 leikur núna ásamt aronth99 í sameiginlegu liði FH og Fylkis, Golden Goat’s FH-Fylkir. Skuliarnar, sem laut í lægri hlut gegn Jolla í úrslitum Meistaradaga RÚV, mætir hér tvíefldur til leiks með liðsinni Thabeast13_ sem er liðsfélagi hans úr Dusty.

Bæði þessi lið komust áfram í undanúrslit Reykjavíkurleikanna. Þar mætir sameiginlegt lið FH og Fylkis, Golden Goat’s, liðinu Tolfan kemur. Tolfan kemur hefur sýnt mikla yfirburði í sínum leikjum hingað til, en þeir sigruðu Markmið 9-2 og Tveir Harðir 7-0. Dusty mætir FIFA liði KR sem komst í undanúrslit án þess að leika leik, þar sem andstæðingar þeirra gátu ekki spilað gegn þeim. Þeir eiga því eftir að sýna hvað í þeim býr á sviðinu í Háskólabíó.

FIFA 20 veislan hefst klukkan 10:30, laugardaginn 1. febrúar. Fyrst verða undanúrslitin spiluð og svo úrslit í beinu framhaldi. Hægt er að fylgjast með beinni útsendingu frá rafíþróttum á RIG á Vísir.is eða á Twitch-rás Rafíþróttasamtaka Íslands.

Þeir spilarar sem spila í undanúrslitum í FIFA20 mótinu á RIG 2020 eru:

DUSTY
Þórarinn “Thabeat13_” Árnason
Skúli “skuliarnar” Arnarson

Tolfan Kemur
Kormákur “Gbr210” Sigurðarson
Daði “El Huron” Jónsson

KR FIFA
Orri “Viktorinn” Þórisson
Agnar “Aggith” Þorláksson

Golden Goat’s FH - Fylkir
Aron “aronth99” Lárusson
Jóhann “Jolli776” Jóhannsson

 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.