Tafir á mokstri eftir að bíl var ekið inn á lokaðan veg

Vegurinn um Öxnadalsheiði er enn lokaður vegna veðurs og bíls sem ekið var inn á lokaðan veg og tafði því allan mokstur.

Þetta kemur fram á vef Vegagerðarinnar. Þar segir að líklegast muni ekki ná að opna veginn fyrr en eftir klukkan 10.

Fólk er hvatt til að fylgjast með færðinni á kortinu á vef Vegagerðarinnar.

Vetrarfærð er í flestum landshlutum, en Siglufjarðarvegur er lokaður vegna óvissustigs sem þar er í gildi.

Fréttin hefur verið uppfærð eftir að frekari upplýsingar bárust frá starfsmanni Vegagerðarinnar á Norðurlandi.