Veiði

Sjóbleikjan mætt í Flókadalsá

Karl Lúðvíksson skrifar
Sjóbleikjan er mætt í Flókadalsá
Sjóbleikjan er mætt í Flókadalsá Mynd: www.svfr.is

Sjóbleikjuveiðin hefur farið heldur seint af stað en nýjar fréttir úr Flókadalsá lofa vonandi góðu.

Það hefur verið ótrúlega rólegt í sjóbleikjuánum fyrir norðan og lítið verið að frétta úr ám eins og Hörgsá, Ólafsfjarðará og Eyjafjarðará. Helsta skýringin er líklega sú að árnar eru ennþá kaldar vegna snjóbráðar og bleikjan bíður bara færis þangað til árnar hlýna aðeins. Það er spáð mjög góðu veðri og hlýindum næstu daga fyrir norðan og það lyftir vonandi hitastiginu á ánum aðeins upp.

Það voru engu að síður að berast góðar fréttir úr Flókadalsá en holl sem nýlega lauk veiðum gerði feykna góða veiði. Það er mikið af bleikju gengin í ánna og á stuttum tíma búið að bóka 400 bleikjur í bókina. Hún er gráðug í fluguna og í sumum hyljum liggur mikið magn af henni. Þetta er vonandi formsmekkurinn af því sem koma skal en veiðimenn sem sækja mikið í sjóbleikjuna bíða óþreyjufullir eftir því að göngurnar hefjist fyrir alvöru í árnar fyrir norðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.