Veiði

22 punda lax úr Þverá í Borgarfirði

Karl Lúðvíksson skrifar
Auðunn með leiðsögumannin Agli til vinstri og stórlaxinn sjálfur
Auðunn með leiðsögumannin Agli til vinstri og stórlaxinn sjálfur

Þrátt fyrir að veiðitölur úr Þverá séu ekkert sérstakar koma samt sem áður ógleymanleg augnablik úr ánni.

Það liggja stórlaxar víða og þegar þeir stökkva á fluguna hefst oft barátta sem tekur á taugar og útsjónarsemi veiðimannsins. Þetta fékk Auðunn Sigurðsson að reyna þegar hann setti í og landaði 98 sm hæng í Þverá sem var mældur og vigtaður 22 pund. Ummálið var 48 sm sem segir mikið til um það hversu þykkur þessi flotti lax er og það sem af er sumri er þetta stærsti laxinn úr ánni. Baráttan tók 75 mínútur og eins og eftir viðureignir við stórlaxa fékk þessi frelsi að þeirri viðureign lokinni. Heildarveiðin í Þverá og Kjarrá stóð í 617 löxum síðasta miðvikudag sem er töluvert undir meðaltali. Síðsumarsveiðin í ánni er oft ansi drjúg svo það verður spennandi að sjá hvernig veiðin verður í ágúst.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.