Eden og Freyja gefa út dansmyndband við lagið Malbik

Dansfélagarnir Eden og Freyja sitja heldur betur ekki auðum höndum um þessar mundir þó að dansmótin séu af skornum skammti.

Um er að ræða tólf ára ungmenni sem æfa saman sem samkvæmisdanspar. Þau hafa gefið út dansmyndband þar sem þau taka spor við lagið Malbik með Emmsjé Gauta og Króla.

Nú er einskonar keppnisbann í dansi vegna útbreiðslu kórónuveirunnar en bráðlega munu þau Freyja og Eden taka þátt á dansmóti í gegnum fjarskiptabúnað.

Þau halda úti Instagram-síðu þar sem þau birta skemmtilegar myndir og má fylgja þeim hér.

Hér að neðan má sjá þetta skemmtilega myndband.