Veiði

Stefnir í góðan ágúst í Jöklu

Karl Lúðvíksson skrifar
Hólaflúð í Jökuldal gefur góða mynd af því fallega veiðisvæði sem hefur opnast eftir að laxastigi var opnaður við haftið í Steinboga.
Hólaflúð í Jökuldal gefur góða mynd af því fallega veiðisvæði sem hefur opnast eftir að laxastigi var opnaður við haftið í Steinboga. Mynd/strengir.is

Veiðin í Jöklu hefur verið góð í sumar og framundan er sá mánuður sem er bestur í ánni og útlitið fyrir veiðimenn er gott.

Það lítur ekki út fyrir að Jökla fari á yfirfall í bráð sem eru góðar fréttir en undanfarin ár hefur það oft verið að gerast í byerjun ágúst sem hefur bitnað illa á veiðinni í ánni. Þegar Jökla fer á yfirfall er engu að síður hægt að veiða í hliðaránum og getur veiðin í þeim verið mjög fín. Það er þó engu saman að líkja við að veiða Jöklu sjálfa.

Jökla er Jökulá og með nokkuð sterkan laxastofn. Eftir að sprengt var í gegnum haftið við veiðistaðinn Steinboga kemst laxinn ofar í ánna og þar eru ansi fallegir veiðistaðir eins og einn sem hefur verið kallaður einn sá fallegasti á landinu, Hólaflúð. Ekki bara fallegur en klárlega sá gjöfulasti í ánni. Þar fyrir ofan eru kílómetrar af misvel könnuðum veiðistöðum og sífellt er verið að finna nýja veiðistaði. Veiðin í sumar hefur verið góð og er Jökla að detta í 400 laxa en á mikið inni. Það er töluvert af laxi í ánni og þar sem það lítur ekki út fyrir að hún sé að fara á yfirfall má reikna með frábærum ágúst í ánni enda eru góðar göngur í hana þessa dagana og hlutfall stórlaxa er gott. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.