Veiði

Ennþá fullt af laxi í Urriðafossi

Karl Lúðvíksson skrifar
Flott dagsveiði og kvótanum náð í Urriðafossi.
Flott dagsveiði og kvótanum náð í Urriðafossi. Mynd: Stefán Sigurðsson

Veiðin í Urriðafossi er búin að vera mjög góð í sumar en heildarveiðin þar var komin í 793 laxa fyrir viku þegar síðustu tölur voru teknar saman.

Heildarveiðin á svæðinu núna fer að detta í 900 laxa og það er ennþá mikið af laxi á svæðinu bæði í þrepunum í fossinum sjálfum en líka á veiðistöðunum þar fyrir neðan Vaður og Skerpolli sem eru fyrstu veiðistaðirnir fyrir neðan Urriðafoss. Það var hópur spænskra veiðimanna að ljúka veiðum í gær og þær urðu að hætta veiðum kl 18:00 því kvótinn var kominn á allar stangirnar sem segir meira en mörg orð um það magn af laxi sem er ennþá á svæðinu. Það eru góðar göngur ennþá og nokkuð ljóst að svæðið í heild á eftir að fara yfir 1.000 laxa ef þetta heldur svona áfram. Tilraunsvæðin við Þjótanda og Þjórsártún hafa verið að gefa mjög fína veiði og er mikið af laxi á nokkrum stöðum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.