Veiði

Tröllvaxin bleikja úr Úlfljótsvatni

Karl Lúðvíksson skrifar
Guðjón Þór Þórarinsson með bleikjuna sem hann fékk við Úfljótsvatn.
Guðjón Þór Þórarinsson með bleikjuna sem hann fékk við Úfljótsvatn. Mynd: Veiðikortið

Veiðin í Úlfljótsvatni hefur verið fín í sumar og það eru margir farnir að stunda vatnið frekar en Þingvallavatn þar sem það eru yfirleitt færri við vatnið.

Það er eiginlega óskiljanlegt að ekki fleiri skuli leggja leið sína í Úlfljótsvatn því veiðin í vatninu er ljómandi góð þó hún sé dyntótt eins og bleikjuvötn eru gjarnan en í vatninu er nefnnilega líka mjög stór bleikja og inn á milli veiðast alltaf vænir urriðar. Einn af þeim sem hafa einmitt sett í stórar bleikjur er Guðjón Þór Þórarinsson en hann sést á meðfylgjandi mynd með eina rígvæna bleikju sem vóg rúmlega 3 kg og var 60 cm sem hann veiddi 31. júlí. Það er óhætt að segja að hún sé nánast hnöttótt! Virkilega fallegur fiskur. Bleikjuna veiddi hann í víkinni fyrir neðan kirkjuna en það er mjög skemmtilegur veiðistaður. Úlfljótsvatn er á Veiðikortinu og því upplagt fyrir þá sem eru með kortið en eiga eftir að prófa vatnið að skella sér part úr degi. Morgunveiðin er yfirleitt best og kvöldveiðin er að sama skapi ekkert síðri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.