Bílar

Myndband: 1000 hestafla Raf-Hummer væntanlegur eftir ár

Kristinn Ásgeir Gylfason skrifar
Ramminn fyrir raf-Hummer, í pallbílaútgáfu.
Ramminn fyrir raf-Hummer, í pallbílaútgáfu.

General Motors Corporation hefur undanfarið unnið að Hummer EV bifreið sem er ætlað að verða alvöru raf-jeppi. Nú er komið úr myndband þar sem sjá má útlit bílsins og helstu tölur.

Um er að ræða fjögurra dyra pallbíl eða fimm dyra jeppa. Samkvæmt myndbandi sem sjá má hér að neðan og upplýsingum frá GMC. Hummer EV á til að mynda að skila 1000 hestöflum, toga 15592 nm. Hann á að komast frá kyrrstöðu og upp í 100 km/klst. á um 3 sekúndum. Allt þetta eru útreikningar og ætlanir GMC.

Þá verður bíllinn sýndur í haust og hægt verður að forpanta bíla frá og með haustinu. Hann mun þó ekki fara í framleiðslu fyrr en haustið 2021. Um svipað leyti og Tesla Cybertruck. Það gæti orðið talsverð keppni að komast fyrst á markað.

Leir módel af bílnum.

Ultium rafhlaða verður um borð sem getur stutt afköst upp á 50-200 kWh. Ofurhraðhleðsla verður í boði, en Hummer EV á að geta hlaðið á allt að 350 kW.

Innra rýmið ætti ekki að svíkja tækniþyrsta, GMC lofar stórum skjá fyrir upplýsinga og afþreyingarkerfi. Þá verður hægt að fjarlægja hluta af toppnum sem myndu gera bílinn topplausan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.