Bílar

Hekla mun áfram þjónusta Mitsubishi

Kristinn Ásgeir Gylfason skrifar
Bílaumboðið HEKLA.
Bílaumboðið HEKLA.

Mitsubishi Motors Corporation tilkynnti við lokun markaða í fyrradag að fyrirtækið hyggist hætta að kynna nýjar gerðir í Evrópu. Hekla, umboðsaðili Mitsubishi á Íslandi mun halda áfram að þjónusta bílana samkvæmt Friðberti Friðbertssyni, forstjóra HEKLA.

Ákvörðunin kemur í kjölfar mikilla rekstrarerfiðleika og mikið tap á evrópskum mörkuðum. 

Friðbert Friðbertsson, forstjóri Heklu

Að sögn Friðberts er málið ný til komið og umboðið enn að leita upplýsinga um framhaldið.

Hann segir þó að „HEKLA, umboðsaðili MMC á Íslandi, mun halda sölu núverandi tegunda Mitsubishi bifreiða áfram.“

„Ákvörðun MMC hefur engin áhrif á eigendur Mitsubishi bifreiða,“ segir Friðbert.

„HEKLA mun áfram þjónusta bílana og ábyrgðarskilmálar verða óbreyttir, 5 ára ábyrgð á bifreiðum og 8 ára ábyrgð á rafhlöðum,“ bætir Friðbert við.

Mitsubishi, sem er sjötti stærsti bílaframleiðandi Japan, hefur áætlað að draga þurfi úr föstum kostnaði um 20% á næstu tveimur árum. 

Mitsubishi segist raunar ætla að frysta um ókomna tíð kynningar á nýjum gerðum í Evrópu, sem þýðir að næsta kynslóð af L200 pallbílnum, Outlander og Mirage borgarbílnum verða sennilega ekki í boði í Evrópu.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.