Veiði

Mikið af laxi í Langá

Karl Lúðvíksson skrifar
Valdimar Hilmarsson kennir syni sínum Viktor réttu tökin í að landa laxi úr Tunnustreng í Langá
Valdimar Hilmarsson kennir syni sínum Viktor réttu tökin í að landa laxi úr Tunnustreng í Langá Mynd: KL

Það getur oft verið erfitt að henda reiður á það hversu stórar göngur eru í árnar en þegar laxateljari er í ánni er það auðvitað mun minna mál.

Laxateljarinn við Skugga í Langá gefur góða mynd af því hversu góð ganga hefur verið í ánna síðustu daga en í gær sem dæmi gengu 200 laxar í gegnum teljarann. Það segir bara hálfa söguna því stór hluti göngunnar fer upp fossinn Skugga þegar gönguvatn er jafn gott og það er núna. Þannig má áætla að gangann sem fór upp síðasta sólarhringinn hafi verið 300-400 laxar. Það sést vel á neðri svæðum Langár en þar eru margir helstu veiðistaðir eins og Túnstrengur, ÁLfgerðisholtskvörn, Stórhólakvörn, Bárðarbunga og Tunnustrengur fullir af laxi. 

Mynd KL

Efri svæðin eru fyrir löngu kominn inn og hátt í 500 laxar eru gengnir upp laxaterljarann við Sveðjufoss og farnir á Fjallið. Það er mikið líf í ánni en veiðitölur endurspegla engan veginn veiðina því sem dæmi voru aðeins þrjár stangir að veiða í holli fyrir stuttu með ánna fulla af fiski. Þeir sem eiga daga í ánni á næstunni eiga skemmtilega daga í vændum ef veður verður skaplegt.

Jóhann Axel með flottann 65 sm hæng úr StórhólakvörnMynd: Georg Andersen


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.