Veiði

Eystri Rangá fyrst yfir 1000 laxa

Karl Lúðvíksson skrifar
Það er mokveiði í Eystri Rangá
Mynd: Jóhann Davíð Snorrason

Veiðin í Eystri Rangá hefur verið ein sú almesta frá því að slepingar hófust í ánna en áinn er sú fyrsta til að fara yfir 1.000 laxa á þessu sumri.

Hún gerir nú reyndar gott betur en að fara yfir 1000 laxa því heildarveiðin í henni er komin í 1.572 laxa eftir mokveiði síðustu daga. Það vantaði ekki nema tæpa 100 laxa til að áinn færi í 1.000 laxa viku og það er samkvæmt okkar heimildarmönnum við bakkann ekkert lát á göngum. Bátsvaðið hefur suma daga verið svo loðið af laxi að það var erfitt að kasta út flugu án þess að setja í lax. Ein vakt fyrir fáum dögum skilaði til að mynda um 40 löxum á land. 

Eðlilega þegar svona vel veiðist er mikil eftirspurn eftir veiðileyfum og það eru margir að nýta tækifærið þegar það eru nokkrir lausir dagar sem falla ónýttir vegna forfalla erlendra veiðimanna til að skjótast í Eystri til að taka þátt í þeirri veislu sem að svo stöddu ekkert virðist ætla að gefa eftir. Næstu fjórar vikur gætu orðið mjög áhugaverðar en það er hækkandi straumur og líklegt að stærsta gangan gæti jafnvel verið ókomin ennþá,



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.