Lífið

Gordon Ramsay við tökur á Vestfjörðum

Birgir Olgeirsson skrifar
Stjörnukokkurinn Gordon Ramsay.
Stjörnukokkurinn Gordon Ramsay.

Breski kokkurinn Gordon Ramsay hefur undanfarna daga dvalið á Vestfjörðum við tökur á matreiðsluþætti. Ísfirðingar hafa séð kokkinn víðfræga á ferli um götur bæjarins og sömuleiðis fjölmennt tökulið sem fylgir þessum þekkta matreiðslumanni.

Þegar Ramsay og félagar hafa verið spurðir hvað þeir séu að gera á Vestfjörðum hefur verið fátt um svör og ljóst að mikil leynd hvílir yfir tökum þessara þátta. 

Ísfirðingar hafa þó lagt saman tvo og tvo og séð í gegnum laumuspil veitingamannsins og tökuliðs hans. Enda hafa Ramsay og föruneyti hans leitað til heimamanna eftir efnistökum í þáttinn.

Hann hefur einnig kynnt sér veitingahús bæjarins, meðal annars skolaði hann niður kökusneið með kaffi á ísfirska kaffihúsinu Heimabyggð. Þá sást einnig til hans veitingastaðnum Húsinu á Ísafirði.

Ramsay er tíður gestur á Íslandi og hefur áður tekið upp efni hér á landi fyrir þætti sína, líkt og sjá má hér að neðan. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.