Atvinnulíf

Evian kynnir miðalausa brúsa

Rakel Sveinsdóttir skrifar
Engir miðar lengur á vatnsbrúsum Evian.
Engir miðar lengur á vatnsbrúsum Evian. Evian

Vatnsframleiðandinn Evian stefnir að því að allir vatnsbrúsar þeirra verði 100% endurnýjanlegir fyrir árslok árið 2025. Nýverið náðist stór áfangi í þróun þar sem Evian kynnti til sögunnar nýja vatnsbrúsa sem ekki eru með vörumerkjamiðum á plastbrúsanum.

Í stað miða má sjá lógó Evian í plastinu sjálfu. Þessi breyting hljómar kannski einföld en í viðtali við Fastcompany segir alþjóðlegur vörumerkjastjóri Evian að þróun nýju plastbrúsanna hafi staðið yfir í um tvö ár.

Miðalausu vatnsbrúsar eru þó ekki fullkomlega endurnýjanlegir því þótt brúsarnir sjálfir séu úr endurnýjanlegu plasti og miðarnir farnir af, blasir enn við sú áskorun að framleiða tappa á brúsana úr endurnýjanlegu plasti.  Þá þarf að huga að öllu ferli við innpökkun og dreifingu brúsanna til söluaðila, áður en hringrásin telst fullkomlega endurnýjanleg.

Þótt Evian hafi kynnt nýju brúsana á dögunum eru þeir enn sem komið er aðeins í lítilli dreifingu því þá má aðeins sjá á völdum hótelum, veitingastöðum og hjá einstaka öðrum söluaðilum.  Þá er Evian einn þeirra framleiðenda í heiminum sem er að þreifa sig áfram með nýtt viðskiptalíkan sem byggir á að fólk kaupi sér áfyllingu frekar en nýja brúsa í hvert sinn. Breyttar söluáherslur eru því einnig liður í því markmiði Evian að ná 100% endurnýtingu fyrir árslok 2025. Þetta er háleitt markmið hjá Evian því í dag eru aðeins 10% af vatnsbrúsum þeirra úr endurnýjanlegu plasti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.