Veiði

Þrír á land á fyrstu vakt í Jöklu

Karl Lúðvíksson skrifar
Fyrsti lax sumarsins úr Jöklu var veiddur í Hólaflúð
Fyrsti lax sumarsins úr Jöklu var veiddur í Hólaflúð Mynd: Veiðiþjónustan Strengir

Jökla er líklega síðust ánna til að opna fyrir veiði en veiðin í henni fer ágætlega af stað og sumarið lítur vel út.

Það er óhætt að segja að þeir sem veiða Jöklu eigi auðvelt með að falla fyrir henni enda rennur hún um stórbrotið umhverfi og geymir á sínum bökkum magnaða veiðistaði. Einn af þessum stöðum er Hólaflúð sem einhver hefur kallað flottasta veiðistað á landinu. Fyrstu laxarnir komu einmitt á land úr þessum veiðistað og þar var landað þremur löxum strax á fyrstu vakt, allt vænn tveggja ára lax sem Jökla er þekkt fyrir. Nokkuð sást af laxi svo það er greinilegt að Jökla gæti verið að fara vel af stað. 

Fyrir utan Jöklu sjáfa er veitt líka í hliðaránum Kaldá, Fögluhlíðará, Fossá og Laxá en á meðan Jökla er í sínum besta skrúða þá eru hliðarárnar ekki mikið stundaðar. Veiðimenn fara fyrst að kíkja í þær þegar Jökla fer á yfirfall á haustinn en þá getur líka verið töluvert af laxi gengið í hliðarárnar og fengið að vera þar meira og minna í friði í lengri tíma. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.