Veiði

102 sm lax úr Laxá í Kjós

Karl Lúðvíksson skrifar
Guðjón með 102 laxinn sem hann veiddi í Laxá í Kjós í gær
Guðjón með 102 laxinn sem hann veiddi í Laxá í Kjós í gær Mynd: Hreggnasi FB

Stærsti lax sem veiðst hefur það sem af er sumri veiddist í gær í Laxá í Kjós og var mældur 102 sm að lengd.

Þetta er ekki bara stærsti laxinn sem hefur veiðst í sumar á landinu en líklega einn af þeim stærstu úr Laxá í Kjós í áratugi. Það var Guðjón Þór Jónsson sem veiddi laxinn í Kársnesfljótinu á Collie Dog númer 14# en þess má geta að þetta er einmitt frábær fluga að nota á þessum árstíma í nýgengin lax. Það er góður gangur í veiðinni í Laxá í Kjós og töluvert af laxi að ganga. Sjóbirtingurinn er líka mættur en fyrsti birtingurinn veiddist í ánni þann 18. júní en Laxá í Kjós er einmitt vel þekkt fyrir góðar sjóbirtingsgöngur á þessum árstíma og þegar laxinn hefur verið tregur til að taka getur verið mikið líf og fjör frá Kársnesfljóti og töluvert upp með ánni þar sem veiðimenn þurfa að leiðast að veiðistöðum og egna flugum fyrir væna birtinga.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.