Leikjavísir

Steindi Jr. streymir Warzone í kvöld

Tinni Sveinsson skrifar
Steindi kallar útsendinguna Rauðvín og klakar og byrjar klukkan tíu í kvöld.
Steindi kallar útsendinguna Rauðvín og klakar og byrjar klukkan tíu í kvöld. Vísir/Vilhelm

„Við köllum þetta Rauðvín og klaka. Ég og nokkrir aðrir spilum saman Call of Duty, drekkum eina rauðvínsflösku á mann, og bjóðum hverjum þeim sem vill að fylgjast með og spjalla við okkur á Twitch á meðan, segir Steindi sem stendur fyrir útsendingu á leikjastreymisíðunni Twitch í kvöld þar sem hægt verður að fylgjast með honum spila í rauntíma.

Útsending Steinda hefst klukkan tíu og stendur til um klukkan eitt í nótt. Þetta er fyrir fullorðna.

Með Steinda í kvöld spila nokkrir vel valdir félagar sem hann hefur spilað mikið með áður, þeir Óli í Game Tíví, Digital Cusz og MVPete.

„Óli er afi íslenskra nörda og Game Tíví stjarna. Digital Cusz er sköllóttur frá Sauðárkróki og frændi Audda Blö. MVPete er starfsmaður hjá Freyju. Við drekkum síðan flösku á mann og verðum verri og verri með hverjum leik. Enda snýst þetta um að skemmta fólki og gleðja þá sem eru komnir með illt í þumlana vegna spilunar og vilja frekar horfa en spila. Eða þá sem eru búnir með allar seríurnar og svæfa krakkana.“

Hægt er að horfa á útsendinguna í spilaranum hér fyrir neðan.

Streymi Steinda á Twitch er með stærstu íslensku leikjastreymunum. Steindi hvetur fólk til þess að ekki bara fylgjast með heldur einnig að taka þátt í umræðunni í spjallinu við útsendinguna. 

„Ég svara þeim spurningum sem fólk spyr. Umræðan verður mjög skemmtileg þegar margir hrúgast þarna inn.“

Hægt er að fylgjast með spjallinu hér fyrir neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.