Sigrún Brá bætti Íslandsmetið sitt

Sigrún Brá Sverrisdóttir sló í morgun eigið Íslandsmet í 400 metra skriðsundi þegar hún kom í mark á 4 mínútum og 17,09 sekúndum á EM í 25 metra laug sem fram fer í Króatíu.

Árangur Sigrúnar skilaði henni í 28 sæti af 38. Þessi tími er 26/100 betri en gamla Íslandsmetið hennar sem var 4:17,35.

Hrafnhildur Lúthersdóttir bætti stúlknametið sitt í 100 metra bringusundi um 8/100 úr sekúndu þegar hún synti á tímanum 1:09,07 og lenti í 27. sæti af 38. Þetta var annað stúlknamet hennar á mótinu.