Söluferli Kaupþings í Lúxemborg í biðstöðu

Söluferli Kaupþings banka í Lúxemborg er í biðstöðu vegna lagalegra vandkvæða, en náist ekki að selja bankann fljótlega verður hann tekinn til gjaldþrotaskipta. Við sögðum frá því í fréttum okkar í gærkvöldi að Líbýskur fjárfestingarbanki í ríkiseigu vilji fjárfesta í bankanum.

Kaupverðið er ekki hátt en fjárfestingarbankinn mun sjá til þess að staðið verður við greiðslur á innistæðum sparifjáreigenda hjá Kaupþingi í Lúxemborg, Sviss og Belgíu, sem talið er vera gríðarlega mikilvægt.

Fjórir fjárfestar hafa sýnt því áhuga að yfirtaka belgíska hluta Kaupþings.