Húsasmiðjan fær 350 þúsund króna sekt

Neytendastofa hefur lagt 350 þúsund króna sekt á Húsasmiðjuna vegna brota fyrirtækisins á verðmerkingareglum.

Við verðmerkingaeftirlit kom í ljós að merkingar Húsasmiðjunnar í Skútuvogi voru ófullnægjandi. Í könnuninni voru 25 vörur valdar af handahófi og kannað hvort samræmi væri á milli verðs á hillu og á kassa.

Neytendastofa veitti Húsasmiðjunni frest til að lagfæra merkingarnar áður en þær yrðu kannaðar aftur. Þegar skoðuninni var fylgt eftir kom í ljós að verslunin hafði ekki gert fullnægjandi lagfæringar á á verðmerkingum sínum.