Primera hagnaðist um milljarð

Fyrirtækin Primera Travel Group og Primera Air, sem eru í eigu Andra Más Ingólfssonar, skiluðu samanlagt hagnaði upp á rúmlega einn milljarð króna í fyrrra.

Primera rekur nokkur ferðaþjónustufyrirtæki í Skandinavíu, þar á meðal Heimsferðir. Ársvelta fyrirtækjanna í fyrra nam 92 milljörðum króna og jókst þá um þrjú prósent. Þá jókst EBIDTA-hagnaður einnig um þrjú prósent miðað við árið á undan.

Andri Már segir í Viðskiptablaðinu í dag að árið í fyrra hafi verið mjög gott og þar skipti ekki síst máli rekstur Primera í Danmörku sem hefur batnað eftir sérlega slæmt ár árið 2012. 

„Félagið hefur styrkst mjög fjárhagslega á síðustu árum og er nú orðið með eitt hæsta eiginfjárhlutfall í sinni grein í Evrópu, 33 prósent eiginfjárhlutfall í lok ársins," segir Andri.