Íslensku stelpurnar lágu gegn Spánverjum | Anna Sonja valin besti varnarmaðurinn

Íslenska kvennalandsliðið í íshokkí beið lægri hlut 0-3 gegn Spánverjum í lokaleik sínum í B-riðli 2. deildar á HM í íshokkí í Suður-Kóreu í morgun. Þetta var lokaleikur liðsins í riðlinum og hafnaði liðið í fjórða sæti af sex liðum.

Anna Sonja Ágústsdóttir var heiðruð fyrir framgöngu sína á mótinu en hún var valin besti varnarmaður keppninnar. Þjálfarar íslenska liðsins völdu Karitas Halldórsdóttur, markvörð landsliðsins, besta leikmann íslenska liðsins á mótinu.

Ísland hafði sigur gegn Belgum og Suður-Afríku, tapaði í vítakeppni gegn Suður-Kóreu en Spánverjar og Pólverjar voru einu númeri of stórir fyrir íslenska liðið.

Lokastaðan í riðlinum

1. Pólland 14 stig

2. Spánn 12 stig

3. Suður-Kórea 9 stig

4. Ísland 7 stig

5. Belgía 5 stig

6. Suður-Afríka 0 stig

Nánari upplýsingar um keppnina á heimasíðu hennar, sjá hér.