Frávísunarkröfu í Exeter-málinu var hafnað

Héraðsdómur Reykjavíkur hafnaði í dag frávísunarkröfu vegna svokallaðs Exeter-máls.

Í því máli eru Styrmir Þór Bragason, fyrrverandi forstjóri MP-banka, Jón Þorsteinn Jónsson, fyrrverandi stjórnarformaður Byrs, og Ragnar Z. Guðjónsson, fyrrverandi forstjóri Byrs, ákærðir fyrir umboðssvik.

Greint er frá málinu á vefsíðu RÚV. Þar segir að frávísunarkrafan var meðal annars byggð á því að málið ætti ekki heima hjá Sérstökum saksóknara, sem ákærir í málinu, og að Eva Joly, þá ráðgjafi hjá embættinu, hafi gefið sér niðurstöður fyrir fram. Málið verður væntanlega tekið fyrir í Héraðsdómi í desember.