Hripaði vinningsformúluna á servíettu í New York Alvogen kynnir 19. maí 2018 16:45 Róbert Wessman, forstjóri Alvogen, á sviðinu í Háskólabíói á fróðlegum fundi MBA-námsins. Fundurinn bar yfirskriftina: Innsýn frumkvöðuls. Róbert Wessman, forstjóri Alvogen, var fyrirlesari á stórgóðum fundi MBA-námsins í Háskólabíói á dögunum þar sem hann fór yfir stofnun Alvogen, söguna á bak við árangurinn og sýn sína á lyfjageirann. Fyrirlesturinn bar yfirskriftina Innsýn frumkvöðuls og var vel sóttur. Það kom skýrt fram í máli Róberts á fundinum að hann telur að líftæknilyf séu framtíðin í sölu lyfja í heiminum. „Ég hef ekki verið á sviði hér í bíóinu frá því ég tók við prófskírteininu á sínum tíma og útskrifaðist úr Háskóla Íslands,“ sagði Róbert í upphafi þegar hann ávarpaði gesti. Fyrsta glæran sem hann birti vakti mikla athygli fundarmanna; það var mynd af servíettu. Á hana hafði hann hripað niður metnaðarfullar hugmyndir sínar á fundi með fjárfestum í hádegisverði á veitingahúsi í New York árið 2009. Eftir svolitla þrautagöngu á milli fjárfesta á erfiðum tímum fjármálakreppunnar var það loksins þarna í hádegisverðinum í New York sem hugmynd hans fékk hljómgrunn. Párið á sérvíettuna reyndist vinningsformúlan. Servíettan er núna á vissan hátt tákn um upphaf Alvogen. Fyrsta skrefið var að leiða kaup á bandaríska lyfjafyrirtækinu Norwich Pharmaceuticals sem átti sér 125 ára rekstrarsögu og starfrækti gamla lyfjaverksmiðju í New York-ríki sem getið hafði sér gott orð fyrir hágæðaframleiðslu og var áður í eigu Procter og Gamble. Tuttugu milljónir dollara í sjóði fyrirtækisins og gömul verksmiðja. Engu að síður; teningunum var kastað. Ævintýrið hefur heldur betur undið upp á sig. Velta Alvogen meira en 26-faldaðist fyrstu átta árin, frá 2009 til 2017, eða um 59% að jafnaði á ári og er komin yfir 1 milljarð dollara. Starfsmenn eru 2.800 talsins í 35 löndum, verksmiðjur og rannsóknarstofur eru fimm, 200 hefðbundin samheitalyf eru í pípunum og sjö samheitalyf í flokki líftæknilyfja. Á fundinum kom fram að um 90% af hagnaði Alvogen koma frá mörkuðum Alvogen þar sem konur eru í forsvari. Helstu markaðssvæði Alvogen eru í Bandaríkjunum, Asíu og í Mið- og Austur-Evrópu. „Það vill þannig til að konur stýra á stærstu markaðssvæðum fyrirtækisins og hafa þær valist til forystu vegna eigin hæfileika og verið farsælar í starfi,“ sagði Róbert. Þessi umfjöllun er unnin í samvinnu við Háskóla Íslands og Alvogen. Mest lesið „Alltaf leiðindamál að lenda í svona“ Viðskipti erlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Flügger rannsakað fyrir brot á viðskiptaþvingunum Viðskipti erlent Lánardrottnar slá af milljarð af vöxtum á ári Viðskipti innlent Áætla að húsnæði á Íslandi sé verulega vantryggt fyrir bruna Neytendur Baldvin tekinn við sem forstjóri Samherja Viðskipti innlent Opinn fundur HMS um endurmat brunabótamats Neytendur Birta stendur frammi fyrir 1,5 milljarða tapi á Play Viðskipti innlent Fordómar: „Mætti halda að á Íslandi væri ekkert sölustarf til“ Atvinnulíf BYKO PLÚS er nýr fríðindaklúbbur fyrir einstaklinga Samstarf Fleiri fréttir Djúsí maísstönglar frá BBQ kónginum BYKO PLÚS er nýr fríðindaklúbbur fyrir einstaklinga Steinkast og rispur? Ekki lengur vandamál með lakkvarnarfilmu frá Bónsvítunni Tímamótasamningar í íslensku sjónvarpi Topp fimm tólin í verkfærakistuna Yfir 20.000 viðskiptavinir og tíföldun gengis á fimm árum Topplúgan kom á óvart á annars praktískum ferðatrukk Hálf öld af ástríðu og kappsemi – Bílabúð Benna fagnar 50 ára afmæli Hver verður Iðnaðarmaður ársins 2025 - kosning Þjónustudagur Toyota Greiðsluáskorun Myglulaust, einangrandi og hagkvæmt byggingarefni Sjá meira
Róbert Wessman, forstjóri Alvogen, var fyrirlesari á stórgóðum fundi MBA-námsins í Háskólabíói á dögunum þar sem hann fór yfir stofnun Alvogen, söguna á bak við árangurinn og sýn sína á lyfjageirann. Fyrirlesturinn bar yfirskriftina Innsýn frumkvöðuls og var vel sóttur. Það kom skýrt fram í máli Róberts á fundinum að hann telur að líftæknilyf séu framtíðin í sölu lyfja í heiminum. „Ég hef ekki verið á sviði hér í bíóinu frá því ég tók við prófskírteininu á sínum tíma og útskrifaðist úr Háskóla Íslands,“ sagði Róbert í upphafi þegar hann ávarpaði gesti. Fyrsta glæran sem hann birti vakti mikla athygli fundarmanna; það var mynd af servíettu. Á hana hafði hann hripað niður metnaðarfullar hugmyndir sínar á fundi með fjárfestum í hádegisverði á veitingahúsi í New York árið 2009. Eftir svolitla þrautagöngu á milli fjárfesta á erfiðum tímum fjármálakreppunnar var það loksins þarna í hádegisverðinum í New York sem hugmynd hans fékk hljómgrunn. Párið á sérvíettuna reyndist vinningsformúlan. Servíettan er núna á vissan hátt tákn um upphaf Alvogen. Fyrsta skrefið var að leiða kaup á bandaríska lyfjafyrirtækinu Norwich Pharmaceuticals sem átti sér 125 ára rekstrarsögu og starfrækti gamla lyfjaverksmiðju í New York-ríki sem getið hafði sér gott orð fyrir hágæðaframleiðslu og var áður í eigu Procter og Gamble. Tuttugu milljónir dollara í sjóði fyrirtækisins og gömul verksmiðja. Engu að síður; teningunum var kastað. Ævintýrið hefur heldur betur undið upp á sig. Velta Alvogen meira en 26-faldaðist fyrstu átta árin, frá 2009 til 2017, eða um 59% að jafnaði á ári og er komin yfir 1 milljarð dollara. Starfsmenn eru 2.800 talsins í 35 löndum, verksmiðjur og rannsóknarstofur eru fimm, 200 hefðbundin samheitalyf eru í pípunum og sjö samheitalyf í flokki líftæknilyfja. Á fundinum kom fram að um 90% af hagnaði Alvogen koma frá mörkuðum Alvogen þar sem konur eru í forsvari. Helstu markaðssvæði Alvogen eru í Bandaríkjunum, Asíu og í Mið- og Austur-Evrópu. „Það vill þannig til að konur stýra á stærstu markaðssvæðum fyrirtækisins og hafa þær valist til forystu vegna eigin hæfileika og verið farsælar í starfi,“ sagði Róbert. Þessi umfjöllun er unnin í samvinnu við Háskóla Íslands og Alvogen.
Mest lesið „Alltaf leiðindamál að lenda í svona“ Viðskipti erlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Flügger rannsakað fyrir brot á viðskiptaþvingunum Viðskipti erlent Lánardrottnar slá af milljarð af vöxtum á ári Viðskipti innlent Áætla að húsnæði á Íslandi sé verulega vantryggt fyrir bruna Neytendur Baldvin tekinn við sem forstjóri Samherja Viðskipti innlent Opinn fundur HMS um endurmat brunabótamats Neytendur Birta stendur frammi fyrir 1,5 milljarða tapi á Play Viðskipti innlent Fordómar: „Mætti halda að á Íslandi væri ekkert sölustarf til“ Atvinnulíf BYKO PLÚS er nýr fríðindaklúbbur fyrir einstaklinga Samstarf Fleiri fréttir Djúsí maísstönglar frá BBQ kónginum BYKO PLÚS er nýr fríðindaklúbbur fyrir einstaklinga Steinkast og rispur? Ekki lengur vandamál með lakkvarnarfilmu frá Bónsvítunni Tímamótasamningar í íslensku sjónvarpi Topp fimm tólin í verkfærakistuna Yfir 20.000 viðskiptavinir og tíföldun gengis á fimm árum Topplúgan kom á óvart á annars praktískum ferðatrukk Hálf öld af ástríðu og kappsemi – Bílabúð Benna fagnar 50 ára afmæli Hver verður Iðnaðarmaður ársins 2025 - kosning Þjónustudagur Toyota Greiðsluáskorun Myglulaust, einangrandi og hagkvæmt byggingarefni Sjá meira