Árni er kominn í fyrsta sætið sem versti bankamaður heimsins

Árni Mathiesen fjármálaráðherra er kominn í fyrsta sætið í netkosningu The Huffington Post um hver sé versti bankamaður heimsins. Fór Árni frammúr Alan Greenspan fyrrverandi seðlabankastjóra Bandaríkjanna núna síðdegis í dag.

Árni er nú kominn með nokkuð trausta forystu í þessari kosningu, hefur hlotið 23,7% atkvæða. Alan Greenspan er nú með 21,3% atkvæða.

Næstir á eftir þeim koma svo Hank Paulson fjármálaráðherra Bandaríkjanna með 14,6% og Richard Fuld fyrrum forstjóri Lehman Brothers með 12,7%.