179 umsóknir til að komast í tíu teymi

Alls bárust 179 umsóknir frá yfir 400 einstaklingum um þátttöku í Startup Reykjavík, örfjárfestingaverkefni Arion banka. Í næstu viku verður tilkynnt um hvaða tíu viðskiptateymi frumkvöðla munu verða valin til þátttöku í verkefninu.

Þau munu síðan fá tækifæri til að vinna að sinni viðskiptahugmynd frá 11. júní og fram til 17. ágúst.

Arion banki mun leggja hverju þeirra til allt að tvær milljónir króna í hlutafé gegn því að bankinn fái sex prósenta hlut í fyrirtæki frumkvöðlanna. Bankinn mun auk þess sjá teymunum fyrir aðstöðu, ráðgjöf frá sérfræðingum úr atvinnulífinu, aðgangi að alþjóðlegu tengslaneti og tækifæri til að kynna sig og verkefni sín fyrir fjárfestum á lokadegi verkefnisins. Arion banki hefur þegar skuldbundið sig til að bjóða upp á Startup Reykjavík, sem er sett á fót í samvinnu við Innovit og Klak, oftar en einu sinni. - þsj