Lánadrottnar Gamma féllust á skilmálabreytingar Kolbeinn Tumi Daðason skrifar 8. október 2019 13:54 Máni Atlason nýr framkvæmdastjóri Gamma og sjóðsstjóri Gamma:Novus segir mikilvægt að sjóðurinn fái aukið fjármagn. Máni Atlason, framkvæmdastjóri Gamma, fagnar fengu samþykki á skilmálabreytingum hjá skuldabréfaeigendum í fasteignafélaginu Upphafi á fundi aðilanna í dag. Máni segir breytingarnar nauðsynlegar til að ljúka viðbótarfjármögnun í fasteignaverkefinu að upphæð einn milljarður króna. Frá þessu er greint í tilkynningu frá Gamma. Stjórnendur Gamma funduðu með kröfuhöfum í fagfjárfestasjóðnum Gamma:Novus í dag en Gamma Novus heldur utan um fasteignafélagið Upphaf. Framkvæmdir með 277 íbúðir Upphafs standa yfir og eru áætluð lok allra framkvæmda í árslok 2020. „Áætlunin miðar að því að tryggja tekjur af sölu íbúða og hámarka virði eigna. Til þess að áætlunin gangi eftir er unnið með fjárfestum að því að klára skilmála hins nýja skuldabréfs,“ segir í tilkynningu frá Gamma.Eignir í fjórum sjóðum hafa rýrnað í Gamma á síðustu misserum.gammaSkuldabréfakröfur á Gamma vegna verkefnisins nema um 2,7 milljörðum. Stjórnendur ætluðu að kynna fyrir skuldabréfaeigendum þrjár færar leiðir til að sækja milljarðinn sem Gamma telur sig þurfa til að geta keyrt verkefnið áfram. Voru valkostirnir þrír, eins og kom fram í fréttum okkar í gær; að kröfuhafar útvegi féð, að lánveiting komi til frá kröfuhöfum og öðrum, eða að nýir aðilar komi að borðinu. Ekki kemur fram í tilkynningunni frá Gamma hvað felst í nýsamþykktum skilmálabreytingum. Hefur fyrirspurn verið send á Mána Atlason vegna þessa. Eins og fram hefur komið töpuðu fagfjárfestar, þar á meðal lífeyrissjóðir, tæpum þremur milljörðum króna vegna niðurfærslu á gengi tveggja sjóða í rekstri Gamma. Gamma:Novus og Gamma:Anglia. Kvika banki undirritaði samning um kaup á Gamma í nóvember 2018 og fóru þau í gegn í mars á þessu ári. Um mánaðamótin sendi Kvika frá sér tilkynningu um að staða fyrrnefndra tveggja fagfjárfestasjóða í rekstri Gamma væri umtalsvert verri en gert hefði verið ráð fyrir. Í skuldabréfaútboði sem fór fram í vor kom fram að gengi Gamma:Novus væri metið 183,7 og virðið 3,7 milljarðar. Á dögunum var það fært niður í tvo og virðið í 40 milljónir króna. Tilkynningu Gamma í heild má sjá að neðan.Kostnaðaráætlun samin innan Upphafs vegna framkvæmda við Hafnarbraut 12 var verulega vanmetin.Vísir/EgillSkilmálabreytingar á skuldum Upphafs samþykktarÁ fundi með skuldabréfaeigendendum fasteignafélagsins Upphafs fasteignafélags slhf. í dag voru samþykktar skilmálabreytingar á skuldum félagsins sem nauðsynlegar eru til að ljúka viðbótarfjármögnun með nýju skuldabréfi að fjárhæð 1. ma.kr. Fyrir fundinn hafði fjárfestum verið kynnt áætlun nýs stjórnendateymi GAMMA um að tryggja framgang framkvæmda á vegum fasteignafélagsins Upphafs, sem er að fullu í eigu fagfjárfestasjóðsins Novus sem er í stýringu hjá GAMMA. Upphaf er nú á hápunkti framkvæmda með 277 íbúðir í byggingu og eru áætluð lok allra framkvæmda í lok árs 2020. Áætlunin miðar að því að tryggja tekjur af sölu íbúða og hámarka virði eigna. Til þess að áætlunin gangi eftir er unnið með fjárfestum að því að klára skilmála hins nýja skuldabréfs. Frá því í júlí hefur nýtt stjórnendateymi GAMMA unnið að því að endurmeta stöðu Novus og Upphafs. Sú vinna leiddi í ljós að eigið fé Upphafs hafði verið ofmetið og kostnaður var vanmetinn. Ljóst er að tryggja þurfi Upphafi viðbótarfjármögnun til að tryggja framgang verkefna á vegum félagsins og tekjur af sölu eigna svo hámarka megi virði eigna. Greining nýs stjórnendateymis leiddi í ljós fjárþörf upp á um 1 ma. kr. til að ljúka fjármögnun uppbyggingar á vegum félagsins. Stjórn GAMMA lítur þá stöðu sem kom í ljós við endurmat nýs stjórnendateymis mjög alvarlegum augum. Eftir að raunstaða Novus og Upphafs kom í ljós var Fjármálaeftirlitið upplýst um stöðu sjóðsins og í framhaldi fjárfestar og skuldabréfaeigendur með sérstöku upplýsingablaði. Þá hefur stjórnin ráðið Grant Thornton sem óháða sérfræðinga til þess að fara yfir málefni Novus og Upphafs. Á grundvelli niðurstöðu úttektar þeirra verður lagt mat á hvaða frekari aðgerða verður gripið til að upplýsa um málið. Jafnframt munu stjórnendur vinna með haghöfum að frekari upplýsingaöflun og verður fundur eigenda sjóðsins boðaður innan skamms. Máni Atlason framkvæmdastjóri GAMMA: „Frá því í júlí höfum við unnið að endurmati á stöðu fasteignafélagins Upphafs. Samþykki kröfuhafa félagsins fyrir skilmálabreytingum er mikilvægt skref í átt að viðbótarfjármögnun sem tryggir framgang verkefna og hámörkun eigna eins og nýtt stjórnendateymi hefur lagt áherslu á. Við munum áfram kappkosta að reka smiðshöggið á endurskipulagningu félagsins sem fyrst og við munum áfram leggja áherslu á að komast til botns í því hvað fór úrskeiðis og upplýsa haghafa um það.“ Um GAMMA: Novus Fagfjárfestasjóðurinn GAMMA: Novus var stofnaður árið 2013. Stofnfé sjóðsins nam um 2,5 ma.kr. Árið 2017 greiddi sjóðurinn um 850 m.kr. til baka til eigenda í hlutfalli við eignarhlut þeirra. Fagfjárfestasjóðurinn GAMMA: Novus á fasteignaþróunarfélagið Upphaf fasteignafélag að fullu. Félagið hefur frá stofndegi byggt og selt yfir 400 íbúðir á höfuðborgarsvæðinu og hefur nú tæplega 280 íbúðir í byggingu. GAMMA Mest lesið Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Tryggðu sér 300 milljóna króna fjármögnun Viðskipti innlent Sækjast eftir fangelsisdómi yfir rafmyntakóngi Viðskipti erlent Mikill samdráttur á hagnaði Tesla Viðskipti erlent Fleiri fréttir Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Sjá meira
Máni Atlason, framkvæmdastjóri Gamma, fagnar fengu samþykki á skilmálabreytingum hjá skuldabréfaeigendum í fasteignafélaginu Upphafi á fundi aðilanna í dag. Máni segir breytingarnar nauðsynlegar til að ljúka viðbótarfjármögnun í fasteignaverkefinu að upphæð einn milljarður króna. Frá þessu er greint í tilkynningu frá Gamma. Stjórnendur Gamma funduðu með kröfuhöfum í fagfjárfestasjóðnum Gamma:Novus í dag en Gamma Novus heldur utan um fasteignafélagið Upphaf. Framkvæmdir með 277 íbúðir Upphafs standa yfir og eru áætluð lok allra framkvæmda í árslok 2020. „Áætlunin miðar að því að tryggja tekjur af sölu íbúða og hámarka virði eigna. Til þess að áætlunin gangi eftir er unnið með fjárfestum að því að klára skilmála hins nýja skuldabréfs,“ segir í tilkynningu frá Gamma.Eignir í fjórum sjóðum hafa rýrnað í Gamma á síðustu misserum.gammaSkuldabréfakröfur á Gamma vegna verkefnisins nema um 2,7 milljörðum. Stjórnendur ætluðu að kynna fyrir skuldabréfaeigendum þrjár færar leiðir til að sækja milljarðinn sem Gamma telur sig þurfa til að geta keyrt verkefnið áfram. Voru valkostirnir þrír, eins og kom fram í fréttum okkar í gær; að kröfuhafar útvegi féð, að lánveiting komi til frá kröfuhöfum og öðrum, eða að nýir aðilar komi að borðinu. Ekki kemur fram í tilkynningunni frá Gamma hvað felst í nýsamþykktum skilmálabreytingum. Hefur fyrirspurn verið send á Mána Atlason vegna þessa. Eins og fram hefur komið töpuðu fagfjárfestar, þar á meðal lífeyrissjóðir, tæpum þremur milljörðum króna vegna niðurfærslu á gengi tveggja sjóða í rekstri Gamma. Gamma:Novus og Gamma:Anglia. Kvika banki undirritaði samning um kaup á Gamma í nóvember 2018 og fóru þau í gegn í mars á þessu ári. Um mánaðamótin sendi Kvika frá sér tilkynningu um að staða fyrrnefndra tveggja fagfjárfestasjóða í rekstri Gamma væri umtalsvert verri en gert hefði verið ráð fyrir. Í skuldabréfaútboði sem fór fram í vor kom fram að gengi Gamma:Novus væri metið 183,7 og virðið 3,7 milljarðar. Á dögunum var það fært niður í tvo og virðið í 40 milljónir króna. Tilkynningu Gamma í heild má sjá að neðan.Kostnaðaráætlun samin innan Upphafs vegna framkvæmda við Hafnarbraut 12 var verulega vanmetin.Vísir/EgillSkilmálabreytingar á skuldum Upphafs samþykktarÁ fundi með skuldabréfaeigendendum fasteignafélagsins Upphafs fasteignafélags slhf. í dag voru samþykktar skilmálabreytingar á skuldum félagsins sem nauðsynlegar eru til að ljúka viðbótarfjármögnun með nýju skuldabréfi að fjárhæð 1. ma.kr. Fyrir fundinn hafði fjárfestum verið kynnt áætlun nýs stjórnendateymi GAMMA um að tryggja framgang framkvæmda á vegum fasteignafélagsins Upphafs, sem er að fullu í eigu fagfjárfestasjóðsins Novus sem er í stýringu hjá GAMMA. Upphaf er nú á hápunkti framkvæmda með 277 íbúðir í byggingu og eru áætluð lok allra framkvæmda í lok árs 2020. Áætlunin miðar að því að tryggja tekjur af sölu íbúða og hámarka virði eigna. Til þess að áætlunin gangi eftir er unnið með fjárfestum að því að klára skilmála hins nýja skuldabréfs. Frá því í júlí hefur nýtt stjórnendateymi GAMMA unnið að því að endurmeta stöðu Novus og Upphafs. Sú vinna leiddi í ljós að eigið fé Upphafs hafði verið ofmetið og kostnaður var vanmetinn. Ljóst er að tryggja þurfi Upphafi viðbótarfjármögnun til að tryggja framgang verkefna á vegum félagsins og tekjur af sölu eigna svo hámarka megi virði eigna. Greining nýs stjórnendateymis leiddi í ljós fjárþörf upp á um 1 ma. kr. til að ljúka fjármögnun uppbyggingar á vegum félagsins. Stjórn GAMMA lítur þá stöðu sem kom í ljós við endurmat nýs stjórnendateymis mjög alvarlegum augum. Eftir að raunstaða Novus og Upphafs kom í ljós var Fjármálaeftirlitið upplýst um stöðu sjóðsins og í framhaldi fjárfestar og skuldabréfaeigendur með sérstöku upplýsingablaði. Þá hefur stjórnin ráðið Grant Thornton sem óháða sérfræðinga til þess að fara yfir málefni Novus og Upphafs. Á grundvelli niðurstöðu úttektar þeirra verður lagt mat á hvaða frekari aðgerða verður gripið til að upplýsa um málið. Jafnframt munu stjórnendur vinna með haghöfum að frekari upplýsingaöflun og verður fundur eigenda sjóðsins boðaður innan skamms. Máni Atlason framkvæmdastjóri GAMMA: „Frá því í júlí höfum við unnið að endurmati á stöðu fasteignafélagins Upphafs. Samþykki kröfuhafa félagsins fyrir skilmálabreytingum er mikilvægt skref í átt að viðbótarfjármögnun sem tryggir framgang verkefna og hámörkun eigna eins og nýtt stjórnendateymi hefur lagt áherslu á. Við munum áfram kappkosta að reka smiðshöggið á endurskipulagningu félagsins sem fyrst og við munum áfram leggja áherslu á að komast til botns í því hvað fór úrskeiðis og upplýsa haghafa um það.“ Um GAMMA: Novus Fagfjárfestasjóðurinn GAMMA: Novus var stofnaður árið 2013. Stofnfé sjóðsins nam um 2,5 ma.kr. Árið 2017 greiddi sjóðurinn um 850 m.kr. til baka til eigenda í hlutfalli við eignarhlut þeirra. Fagfjárfestasjóðurinn GAMMA: Novus á fasteignaþróunarfélagið Upphaf fasteignafélag að fullu. Félagið hefur frá stofndegi byggt og selt yfir 400 íbúðir á höfuðborgarsvæðinu og hefur nú tæplega 280 íbúðir í byggingu.
GAMMA Mest lesið Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Tryggðu sér 300 milljóna króna fjármögnun Viðskipti innlent Sækjast eftir fangelsisdómi yfir rafmyntakóngi Viðskipti erlent Mikill samdráttur á hagnaði Tesla Viðskipti erlent Fleiri fréttir Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Sjá meira