Viðskipti innlent

Kjúklingur innkallaður vegna gruns um Salmonellu

Andri Eysteinsson skrifar
Kjúklingurinn er sagður hættulaus sé hann steiktur í gegn.
Kjúklingurinn er sagður hættulaus sé hann steiktur í gegn. Vísir/Getty

Holta innkallar nú kjúklingaafurðir eftir að grunur komst upp um Salmonellusmit í kjúklingahópi í Reykjagarði.

Dreifing á afurðum hefur verið stöðvuð og er innköllun hafin.

Um er að ræða kjúkling með rekjanleikanúmeri 001-19-47-2-09 (Bringur, lundir, bitar) undir vöruheitunum Holta, Kjörfugl og Krónan og var vörunni dreift í verslanir Krónunnar, Nettó, Iceland, Kjarval, Hagkaup, Costco, Super 1 og KR verslanir.

Neytendur sem keypt hafa kjúkling með rekjanleikanúmerinu eru beðnir um að skila vörunni í viðkomandi verslun eða beint til Reykjagarðs. Fosshálsi 1, 110 Reykjavík.

Tekið skal fram að ef áprentuðum leiðbeiningum á umbúðum er fylgt er þessi kjúklingur hættulaus fyrir neytendur, passa þarf að blóðvökvi komist ekki í aðra matvöru og steikja vel í gegn.






Fleiri fréttir

Sjá meira


×