Leirvogsá er komin aftur til Stangaveiðifélags Reykjavíkur en gengið var frá undirritun samnings þess efnis nú á dögunum.

Það má með sanni segja að þetta eru gleðifréttir fyrir félagsmenn og velunnara árinnar. Verið er að skoða veiðifyrirkomulag fyrir næsta sumar og verður það auglýst nánar síðar. Meðalveiði árinnar eru 432 laxar síðustu 10 ára og t.a.m fór hún í 1173 laxa árið 2008. Áin hefur í áratugi verið ein af vinsælustu veiðiám félagsmanna og því er líklega fagnað að hún sé komin aftur undir vængi þess. Ásókn í ánna var orðin ansi döpur og þar má helst nefna orsakir eins og minnkandi veiði og of hátt verð veiðileyfa miðað við veiðitölur síðustu ára. Það er ekk langt síðan veiðireglum var breytt í þá átt að nú má aðeins veiða á flugu en því tóku margir fagnandi enda er hún einstaklega skemmtileg á fyrir nettar einhendur.