Milljarðar fóru í gegnum DNB

Haldið var áfram að fjalla um mál Samherja í Kveik á RÚV í gærkvöldi. Þar kom fram að norski bankinn DNB vissi ekki hverjir voru raunverulegir eigendur reikninga sem tengjast meintu peningaþvætti Samherja.

Þá sýna yfirlit yfir bankaviðskipti Samherja að milljarðar hafi farið til Cape Cod frá félögum tengdum Samherja en 9,2 milljarðar fóru frá Esju Seafood og Noa Pelagic til Cape Cod á árunum 2010 til 2018. Eru þetta sömu félög og sáu um greiðslur til stjórnarformanns Fishcor.

Norski bankinn aðhafðist ekkert fyrr en bandaríski bankinn Bank of New York Mellon stöðvaði millifærslu til Bandaríkjanna á árinu 2018.