Kaupa í Arion banka fyrir yfir 800 milljónir Hörður Ægisson skrifar 27. nóvember 2019 07:45 Svanhildur segir að það hafi verið mat þeirra að það væri komið að öðrum að taka við í VÍS. Fréttablaðið/Anton Hjónin Svanhildur Nanna Vigfúsdóttir og Guðmundur Örn Þórðarson, sem eru næststærstu hluthafar Kviku banka, hafa bæst við hluthafahóp Arion banka eftir að þau keyptu í bankanum síðasta fimmtudag fyrir samtals um 820 milljónir króna. Viðskiptin voru gerð aðeins nokkrum klukkustundum eftir að þau höfðu gengið frá sölu á öllum 7,25 prósenta hlut sínum í VÍS fyrir rúmlega 1.550 milljónir króna en Svanhildur situr í stjórn tryggingafélagsins. Svanhildur staðfestir kaupin í samtali við Markaðinn en félagið K2B fjárfestingar, sem er í eigu þeirra hjóna, keypti samtals 10,5 milljónir bréfa í Arion, sem jafngildir tæplega 0,6 prósenta hlut, og var vegið meðalverð tæplega 78 krónur á hlut. Fjárfestingin skilar þeim í hóp þrjátíu stærstu hluthafa Arion banka en einu einkafjárfestarnir sem eru umsvifameiri í eigendahópnum eru Hvalur, sem er að stærstum hluta í eigu Kristjáns Loftssonar og fjölskyldu, með 1,45 prósenta hlut, og fjárfestingafélagið Stoðir sem á nærri fimm prósenta hlut. Spurð um kaupin í Arion banka segir Svanhildur í samtali við Markaðinn að þau telji spennandi tíma fram undan á íslenskum fjármálamarkaði. „Gamlir vinnufélagar okkar, þeir Benedikt Gíslason og Ásgeir Helgi Reykfjörð Gylfason, eru teknir við stjórnartaumunum og við höfum mikla trú á þeim og samstarfsfólki þeirra í bankanum og teljum að þar liggi mikil tækifæri.“ Þau hjónin hafa jafnframt á síðustu árum verið á meðal stærstu hluthafa Kviku banka og er Guðmundur varaformaður stjórnar bankans. Samkvæmt heimildum Markaðarins var gert tilboð í allan ,75 prósenta hlut þeirra í Kviku síðastliðinn föstudag, daginn eftir viðskipti þeirra í VÍS og Arion banka, en því var hafnað. Miðað við núverandi hlutabréfaverð Kviku er sá hlutur metinn á um 1.350 milljónir króna en samkvæmt heimildum Markaðarins var tilboðið, sem gert var í hlutinn, umtalsvert undir markaðsverði bréfanna. Svanhildur segir að þau hafi engar ætlanir um annað en að halda þeim hlut í Kviku. „Fyrir því félagi fer gríðarlega sterkur hópur stjórnenda sem hefur náð framúrskarandi árangri.“ Spurð af hverju þau hafi ákveðið að losa um allan hlut sinn í VÍS, eftir að hafa komið fyrst inn í hluthafahópinn fyrir meira en fimm árum, segir Svanhildur að það hafi verið mat þeirra á þessari stundu að nú væri komið að öðrum að taka við. „Á undanförnum tveimur árum hefur VÍS náð framúrskarandi árangri, eftir að hafa um langt skeið þótt eftirbátur keppinauta sinna á íslenskum tryggingamarkaði. Tryggingareksturinn er farinn að standa undir sér, þrátt fyrir óvenju stór tjón, og hluthafar hafa á tímabilinu bæði notið góðs af aukinni hlutabréfaeftirspurn og kerfisbreytingum á borð við lækkun hlutafjár, svo fáein dæmi séu nefnd,“ útskýrir hún. Svanhildur segir alla sem komið hafa að rekstri félagsins geta verið stolta af þessum árangri. „Sérstaklega á það við um starfsfólk VÍS, sem gengur nú í takt og hefur unnið sigra sem áður þóttu næstum óraunhæfir. Sjálf er ég þakklát fyrir það traust sem ákveðinn hópur hluthafa hefur sýnt mér, en að sama skapi ánægð með þann ávinning sem hluthafar hafa notið, stórir sem smáir, einkafjárfestar og sjóðir.“ Svanhildur hætti sem stjórnarformaður VÍS í fyrra í kjölfar þess að embætti héraðssaksóknara tók til skoðunar kaup hjónanna, með öðrum fjárfestum, á hlutum í Skeljungi árið 2008 og færeyska olíufélaginu P/F Magn árið 2009. Rannsóknin kom til vegna kæru sem Íslandsbanki lagði fram. Hjónin voru aðaleigendur Skeljungs og P/F Magn fram til ársloka 2013 þegar félögin voru seld fyrir samtals tæplega átta milljarða til framtakssjóðs í stýringu Stefnis. Í árslok 2018 nam eigið fé fjárfestingafélags þeirra hjóna, K2B fjárfestingar, samtals rúmlega 3,6 milljörðum króna. Birtist í Fréttablaðinu Íslenskir bankar Mest lesið Dagar Workplace eru taldir Viðskipti erlent Base parking gjaldþrota Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Segir að Play sé og verði áfram með höfuðstöðvar á Íslandi Viðskipti innlent Forstjóri Play íhugar að fljúga frekar til Íslands en frá Viðskipti innlent Guðmundur tilnefndur til Evrópsku nýsköpunarverðlaunanna 2024 Viðskipti innlent Bein útsending: Opinn kynningarfundur vegna útboðs Íslandshótela Samstarf Greiðsluáskorun Samstarf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Sjá meira
Hjónin Svanhildur Nanna Vigfúsdóttir og Guðmundur Örn Þórðarson, sem eru næststærstu hluthafar Kviku banka, hafa bæst við hluthafahóp Arion banka eftir að þau keyptu í bankanum síðasta fimmtudag fyrir samtals um 820 milljónir króna. Viðskiptin voru gerð aðeins nokkrum klukkustundum eftir að þau höfðu gengið frá sölu á öllum 7,25 prósenta hlut sínum í VÍS fyrir rúmlega 1.550 milljónir króna en Svanhildur situr í stjórn tryggingafélagsins. Svanhildur staðfestir kaupin í samtali við Markaðinn en félagið K2B fjárfestingar, sem er í eigu þeirra hjóna, keypti samtals 10,5 milljónir bréfa í Arion, sem jafngildir tæplega 0,6 prósenta hlut, og var vegið meðalverð tæplega 78 krónur á hlut. Fjárfestingin skilar þeim í hóp þrjátíu stærstu hluthafa Arion banka en einu einkafjárfestarnir sem eru umsvifameiri í eigendahópnum eru Hvalur, sem er að stærstum hluta í eigu Kristjáns Loftssonar og fjölskyldu, með 1,45 prósenta hlut, og fjárfestingafélagið Stoðir sem á nærri fimm prósenta hlut. Spurð um kaupin í Arion banka segir Svanhildur í samtali við Markaðinn að þau telji spennandi tíma fram undan á íslenskum fjármálamarkaði. „Gamlir vinnufélagar okkar, þeir Benedikt Gíslason og Ásgeir Helgi Reykfjörð Gylfason, eru teknir við stjórnartaumunum og við höfum mikla trú á þeim og samstarfsfólki þeirra í bankanum og teljum að þar liggi mikil tækifæri.“ Þau hjónin hafa jafnframt á síðustu árum verið á meðal stærstu hluthafa Kviku banka og er Guðmundur varaformaður stjórnar bankans. Samkvæmt heimildum Markaðarins var gert tilboð í allan ,75 prósenta hlut þeirra í Kviku síðastliðinn föstudag, daginn eftir viðskipti þeirra í VÍS og Arion banka, en því var hafnað. Miðað við núverandi hlutabréfaverð Kviku er sá hlutur metinn á um 1.350 milljónir króna en samkvæmt heimildum Markaðarins var tilboðið, sem gert var í hlutinn, umtalsvert undir markaðsverði bréfanna. Svanhildur segir að þau hafi engar ætlanir um annað en að halda þeim hlut í Kviku. „Fyrir því félagi fer gríðarlega sterkur hópur stjórnenda sem hefur náð framúrskarandi árangri.“ Spurð af hverju þau hafi ákveðið að losa um allan hlut sinn í VÍS, eftir að hafa komið fyrst inn í hluthafahópinn fyrir meira en fimm árum, segir Svanhildur að það hafi verið mat þeirra á þessari stundu að nú væri komið að öðrum að taka við. „Á undanförnum tveimur árum hefur VÍS náð framúrskarandi árangri, eftir að hafa um langt skeið þótt eftirbátur keppinauta sinna á íslenskum tryggingamarkaði. Tryggingareksturinn er farinn að standa undir sér, þrátt fyrir óvenju stór tjón, og hluthafar hafa á tímabilinu bæði notið góðs af aukinni hlutabréfaeftirspurn og kerfisbreytingum á borð við lækkun hlutafjár, svo fáein dæmi séu nefnd,“ útskýrir hún. Svanhildur segir alla sem komið hafa að rekstri félagsins geta verið stolta af þessum árangri. „Sérstaklega á það við um starfsfólk VÍS, sem gengur nú í takt og hefur unnið sigra sem áður þóttu næstum óraunhæfir. Sjálf er ég þakklát fyrir það traust sem ákveðinn hópur hluthafa hefur sýnt mér, en að sama skapi ánægð með þann ávinning sem hluthafar hafa notið, stórir sem smáir, einkafjárfestar og sjóðir.“ Svanhildur hætti sem stjórnarformaður VÍS í fyrra í kjölfar þess að embætti héraðssaksóknara tók til skoðunar kaup hjónanna, með öðrum fjárfestum, á hlutum í Skeljungi árið 2008 og færeyska olíufélaginu P/F Magn árið 2009. Rannsóknin kom til vegna kæru sem Íslandsbanki lagði fram. Hjónin voru aðaleigendur Skeljungs og P/F Magn fram til ársloka 2013 þegar félögin voru seld fyrir samtals tæplega átta milljarða til framtakssjóðs í stýringu Stefnis. Í árslok 2018 nam eigið fé fjárfestingafélags þeirra hjóna, K2B fjárfestingar, samtals rúmlega 3,6 milljörðum króna.
Birtist í Fréttablaðinu Íslenskir bankar Mest lesið Dagar Workplace eru taldir Viðskipti erlent Base parking gjaldþrota Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Segir að Play sé og verði áfram með höfuðstöðvar á Íslandi Viðskipti innlent Forstjóri Play íhugar að fljúga frekar til Íslands en frá Viðskipti innlent Guðmundur tilnefndur til Evrópsku nýsköpunarverðlaunanna 2024 Viðskipti innlent Bein útsending: Opinn kynningarfundur vegna útboðs Íslandshótela Samstarf Greiðsluáskorun Samstarf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Sjá meira