Bílar

Kia XCeed hlýtur Gullna stýrið

Kristinn Ásgeir Gylfason skrifar
Kia XCeed hlaut Gullna stýrið.
Kia XCeed hlaut Gullna stýrið. Vísir/Askja

Nýr Kia XCeed var sæmdur hinu eftirsótta Gullna stýri á verðlaunahátíð í Þýskalandi sl. fimmtudag. Verðlaunin eru talin þau eftirsóttustu í bílaiðnaðinum í Þýskalandi en það eru fjölmiðlarnir Auto Bild og Bild am Sonntag sem standa að verðlaununum sem voru fyrst veitt árið 1976.

Kia XCeed vann í flokki bifreiða sem kosta undir 35 þúsund evrum (tæplega 4,8 milljónum króna) og var valinn sigurvegari eftir harða samkeppni við alls 58 nýja bíla. XCeed er glænýr bíll úr smiðju suður-kóreska bílaframleiðandans og er borgarjepplingur (crossover).

Hér að neðan má sjá myndband frá Kia um Xceed.

XCeed er vel útbúinn bíll og má sem dæmi nefna nefna 10,25“ upplýsingaskjá og 12,3“LCD mælaborð. Hönnunin á XCeed er falleg og sportleg og mikið er lagt í innanrýmið. Kia hefur lagt mikið í að gera XCeed sem bestan í aksturseiginleikum og þæginda- og öryggisstuðullinn er einnig mjög hár.

Bílaumboðið Askja, umboðsaðili Kia á Íslandi, frumsýndi XCeed á dögunum. Bíllinn er nú fáanlegur með 1,0 og 1,4 bensínvélum, með framhjóladrifi og 7 þrepa DCT sjálfskiptingu, en á næsta ári kemur XCeed í rafmagnaðri tengiltvinnútfærslu.


Tengdar fréttir

Kia frumsýnir XCeed

Bílaumboðið Askja frumsýnir Kia XCeed í Kia húsinu að Krókhálsi 13 nk. laugardag klukkan 12-16. XCeed er glænýr bíll úr smiðju suður-kóreska bílaframleiðandans og er borgarjepplingur (crossover) og er afar sportlegur í útliti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.