Samruni Fiat Chrysler og Peugeot Citroen til umræðu
Samkvæmt heimildum Wall Street Journal er samtal í gangi um samruna Fiat Chrysler og PSA (móðurfélags Peugeot, Citroen og DS). Samruninn er talinn vera 6,2 billjón króna virði.
Þessar fréttir koma örfáum mánuðum eftir að mögulegur samruni Fiat og Renault varð ekki að neinu. Hætt var við þann samruna vegna þess að franska ríkið, sem stærsti hluthafi í Renault vildi ekki gangast við skilmálum Fiat.
Framkvæmdastjóri Peugeot verður samkvæmt heimildum Wall Street Journal yfir sameinuðu félagi. Það er flæði í viðræðum ef marka má heimildir Wall Street Journal.
Fyrr á þessu ári gerði PSA það opinberlega að markmiði sínu að hefja sölu á Peugeot í Bandaríkjunum fyrir árið 2026. Slíkt kann að hafa eitthvað með samrunaumleitanir að gera.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
