Renault dæmt úr leik í Japan
Renault liðið hefur verið dæmt úr keppni í japanska kappakstrinum sem fram fór fyrir tveimur vikum.
Ástæða þess er að liðið notaði sjálfvirkan bremsustillingarbúnað í keppninni. Reglur eru mjög skýrar um að ökumenn mega ekki fá neina utanaðkomandi aðstoð við aksturinn og fyrir vikið var liðið dæmt úr keppni.
Úrslitin breyta þó litlu, Mercedes eru enn heimsmeistarar en Charles Leclerc fór þó upp um eitt sæti, úr sjöunda í sjötta.
Racing Point liðið gerði athugasemd við búnað Renault fyrir japanska kappaksturinn en alþjóða akstursíþróttasambandið, FIA, sá ekkert að búnaðinum. Við nánari skoðun kom augljóst brot á reglum í ljós.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
