Veiði

Rjúpnaveiðin byrjar á föstudaginn

Karl Lúðvíksson skrifar
Rjúpnaveiðin byrjar á föstudaginn
Rjúpnaveiðin byrjar á föstudaginn

Rjúpnaskyttur eru þessa dagana í óðaönn að undirbúa sig fyrir rjúpnaveiðitímabilið sem hefst næsta föstudag.

Veiðidögum hefur eins og áður hefur komið fram verið fjölgað úr 15 í 22 og er nú veitt alla daga í nóvember nema miðvikudaga og fimmtudaga. Þetta á eftir að hafa mjög jákvæð áhrif á þann hluta veiðanna að ekki verður jafn fjölmennt á vinsælum svæðum eins og oft áður síðustu haust. Langstærsti hluti rjúpnaskytta gengur til fjalla til að ná sér í jólamatinn og hætta þegar komið er nóg í jólaveisluna. Þeim fækkar þess vegna oft mjög hratt þegar vel veiðist og síðustu dagana eru yfirleitt mun færri á fjöllum. Við fjölgun veiðidaga dreifist eins og áður segir álagið og skyttur taka síður áhættu að fara út í hvaða veðri sem er.

Nú hefur snjóað ágætlega fyrir norðan og austan og það er að heyra á þeim vönustu að þangað sé straumurinn fyrstu helgina enda munar ansi miklu að geta lagt langa leið undir fót t.d. fyrir borgarbúa á norðausturlandið og veitt í fimm daga en ekki þrjá. Veiðimenn eru minntir á að gæta hófsemi við veiðar, vera vel búnir og láta vita af ferðum sínu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.