Bílar

Flybus uppfærir flotann á 40 ára afmælinu

Kristinn Ásgeir Gylfason skrifar
Nýr floti Flybus er öruggari og umhverfisvænni að sögn framkvæmdastjóra Kynnisferða.
Nýr floti Flybus er öruggari og umhverfisvænni að sögn framkvæmdastjóra Kynnisferða. Kynnisferðir

Flybus hefur af tilefni 40 ára afmælisins tekið í notkun 11 nýja fólksflutningabíla, 10 af gerðinni VDL og einn frá Mercedes-Benz.

Flybus fagnar 40 ára afmæli á árinu en flugvallarrútan var sett á laggirnar árið 1979 af Kynnisferðum sem reka þessa þjónustu enn.

40 ára og 40% afsláttur

„Kynnisferðir - Reykjavík Excursions hófu rekstur Flybus-rútunnar fyrir 40 árum en Flybus hefur um árabil verið meginleið farþega á milli Reykjavíkur og Keflavíkurflugvallar. Áætlunarferðir Flybus eru í samræmi við allar komur og brottfarir en við leggjum áherslu á að veita þeim sem sækja Ísland heim bestu mögulegar tengingar við áfangastaði sína. Af tilefni afmælisins munum við bjóða 40% afslátt í Flybus í dag fimmtudag á vefsíðunni flugrutan.is,“ segir Björn Ragnarsson, framkvæmdastjóri Kynnisferða. Björn bætir við að Kynnisferðir fögnuðu 50 ára afmæli á síðasta ári.

„Það er ánægjulegt að fá þessa nýju fólksflutningabíla í flota okkar. Nýju bílarnir eru sparneytnari og umhverfismildari en áður. Þeir eru með aukið pláss bæði fyrir farþega og farangur og með USB tengi við öll sæti auk ókeypis, þráðlausrar nettengingar. Bílarnir eru auk þess búnir nýjasta öryggisbúnaði frá framleiðendum og því öruggari í alla staði fyrir farþega og ökumann. Það er hluti af umhverfis- og öryggisstefnu fyrirtækisins,“ segir Björn ennfremur.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.