Albon betri en Verstappen?
Alexander Albon hefur fengið 17 stigum meira en Max Verstappen síðan að Tælendingurinn kom til Red Bull.
Alexander Albon fékk tækifæri hjá Red Bull eftir ungverska kappaksturinn eftir að Pierre Gasly missti sæti sitt og var færður niður til Toro Rosso.
Síðan þá hefur Albon skorað 48 stig, 17 stigum meira en nýji liðsfélagi sinn, Max Verstappen. Stór ástæða þess er að ungi Hollendingurinn varð frá að hverfa bæði í belgíska kappakstrinum og í Japan um helgina.
Í tímatökum hefur Max þó alltaf verið hraðari. Albon virðist þó byrjaður að venjast Red Bull bílnum og náði hann nákvæmlega sama tíma á liðsfélagi sinn í tímatökunum í Japan.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
