Fótbolti

„Gareth Bale er búinn að fá nóg“

Anton Ingi Leifsson skrifar
Gareth Bale gæti verið á leið frá Real Madrid í janúar.
Gareth Bale gæti verið á leið frá Real Madrid í janúar. vísir/getty

Gareth Bale, leikmaður Real Madrid, er ósáttur hjá félaginu og er búinn að fá nóg. Hann vill komast burt samkvæmt sparkspekingnum Guillem Balague.

Balague er einn virtasti sparkspekingurinn í spænska boltanum en allt benti til þess að Bale færi til Kína í sumar. Það gekk þó ekki upp að lokum og Wales-verjinn var áfram í Madríd.

Hann var í liði Real Madrid í byrjun tímabilsins og skoraði tvö mörk í fínni byrjun Real í vikunni en hann var svo ekki í leikmannahópnum gegn Club Brugge í Meistaradeildinni í síðustu viku.

„Gareth Bale er búinn að fá nóg. Hann getur ekki gert þetta lengur. Á þeim tímapunkti sem hann veit að spila leiki myndi gera hann skarpari þá þarf hann skyndilega að horfa á leikinn gegn Brugge úr stúkunni. Enginn skilur afhverju,“ sagði Balague.

„Bale hefur spilað vel síðustu vikur. Aðallega því hann hefur verið pirraður. Svo kemur stjórinn svona fram við hann. Það er sagt að honum líki betur við að spila golf en fótbolta.“





„Það er rétt að honum líður ekki jafn vel og brennur ekki jafn mikið fyrir þetta og aðrir leikmenn, bæði innan og utan vallar. Hann biður bara um mínútur svo hann geti sýnt sitt besta og skila mörkum, eitthvað sem liðinu vantar.“

„Að velja hann ekki í hópinn gegn Brugge er erfitt að skilja og það er talið hafa verið síðasta hálmstráið. Í fyrsta skipti frá því að hann kom árið 2013 þá vill hann fara. Honum finnst þetta ósanngjarnt hvernig er farið með hann,“ sagði hinn virti Balague.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.