Veiði

Stóra Laxá að klára með stæl

Karl Lúðvíksson skrifar
Það eru stórir laxar í Stóru Laxá
Það eru stórir laxar í Stóru Laxá Mynd: Árni Baldursson FB
Nú eru síðustu dagarnir í veiðinni að detta inn og flestar náttúrulegu laxveiðiárnar nú þegar lokaðar eða loka í dag.



Ein af þeim ám sem er að eiga aldeilis góðann endasprett er Stóra Laxá en miðað við hvað hefur verið að veiðast í henni síðustu daga er útlit fyrir að hún teygi sig jafnvel að 600 löxum á þessu tímabili en eins og staðan var í sumar var alls ekki útlit fyrir þetta.



Síðustu dagar hafa verið feyknagóðir í Stóru Laxá og sem dæmi um það þá var holl sem lauk veiðum á laugardaginn með 58 laxa af svæðum 1 og 2 en heildarveiðin á svæðinu var þá komin í 428 laxa. Seinni vaktin í gær var komin með 11 laxa af svæðinu og það er mikið af laxi á sumum stöðum og margir rígvænir þar innan um. Þetta er góðar fréttir af ánni en það höfðu margir áhyggjur af henni í vatnsleysinu en hún hefur sannað það enn og aftur að það eru fáar ár á landinu sem geta átt jafn magnaða endaspretti og hún. Lokatölur úr ánni eru væntanlegar á miðvikudaginn og við bíðum spennt eftir því að heyra hvernig þær líta út.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.