Veiði

Fleiri lokatölur úr laxveiðiánum

Karl Lúðvíksson skrifar
Eystri Rangá er aflahæst ánna í sumar.
Eystri Rangá er aflahæst ánna í sumar. Mynd: ranga.is

Það sígur að lokum á þessu einkennilega laxveiðisumri og lokatölur úr fleiri ám eru að berast.

Á vefnum www.angling.is sem er vefur Landssambands Veiðifélaga eru uppfærðar tölur vikulega úr ánum og það getur verið mjög gaman að fylgjast með gangi mála þar yfir veiðitímann. Það var ekki alveg þannig í sumar, í það minnsta í fæstum ánum. Eystri Rangá er sem fyrr aflahæst með 2.899 og nokkuð ljóst að það kemst engin á að henni og ennþá rúmar þrjár vikur eftir af veiðitímanum þar á bæ. Staðan er meira að segja þannig að þetta er eina áin sem fer yfir 2.000 laxa og það er eiginlega með öllu óhugsandi að einhver á fari yfir þann múr, sú saga er búin.

Miðfjarðará er hæst af náttúrulegu ánum og sú næsta á listanum með 1.606 laxa sem er um 1.100 löxum minna en í fyrra en ágæt veiði engu að síður. Hún var eins og margar ár þjáð af vatnsleysi í sumar. Ytri Rangá er með 1.592 laxa sem er slakasta veiðin í henni lengi en hún hefur aldrei farið undir 3.000 laxa síðan 2006. Selá er fjórða áin á listanum með 1.484 laxa en hún átti sannarlega gott ár. Þverá og Kjarrá eru síðan í fimmta sæti með 1.132 laxa sem er um 1.300 löxum minna en í fyrra. Listinn í heild sinni er á www.angling.is



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.