Bílar

Koenigsegg setur nýtt heimsmet frá 0 í 400 km/klst og niður í 0

Kristinn Ásgeir Gylfason skrifar
Christian von Koenigsegg, Koenigsegg Regera Hybrid og Sonny Persson
Christian von Koenigsegg, Koenigsegg Regera Hybrid og Sonny Persson Koenigsegg

Koenigsegg bætti eigið met í tíma sem tekur að aka úr kyrrstöðu og upp í 400 km/klst og aftur niður í 0 á dögunum. Koenigsegg notaði til þess bíl af Koenigsegg Regera Hybrid tegund.

Árið 2017 setti Koenigsegg Agera RS mettíma upp á 33,29 sekúndur. Þá var metið sett á lokaðri hraðbraut í Nevada í Bandaríkjunum.

Nýja metið er 31,49 sekúnda og var sett á dögunum af Sonny Persson, þróunarökumanni Koenigsegg. Metið var stt á Råda herflugvelli rétt utan við Lidköping í Svíþjóð.

Framkvæmdastjóri Koenigsegg, Christian von Koenigsegg sagði eftirfarandi um nýja metið:

„Þetta var gott tækifæri til að sýna raunverulega getu Regera bílsins og einstaks eins gírs skiptingar. Regera er aðeins með einn gír sem er notaður frá kyrrstöðu og upp í hámarkshraða bílsins sem er 403 km/klst og takmarkast við snúningshraða.“

„Bíllinn eykur hraðann eins og enginn sé morgundagurinn, en svo eru ekki fleiri gírar. Þetta passar við hugmyndina að baki Regera, sem er að sá sem kemst fyrstur upp á 400 km/klst vinnur. Forgangsatriði við hönnun bílsins var að tryggja hröðun frá 0-400 km/klst og að hægt væri að aka bílnum við þá hröðun. Regera mun á hverri stundu auka hraðan meira á þessu hraðabili en nokkur annar fjöldaframleiddur bíll sem við vitum af,“ bætti Koenigsegg við.

Bíllinn sem notaður var við mettilraunina var fullbúinn bíll eins og hann kemur úr verksmiðjunni auk veltibúrs og fjögurra punkta beltis.

Það tók Persson 22,87 sekúndur að komast upp í 400 km/klst en aðeins 8,62 sekúndur að ná aftur kyrrstöðu. Samtals ferðaðist bíllinn 2048,46 metra í tilrauninni.


Tengdar fréttir

Koenigsegg og NEVS í samstarf 

Sænski ofurbílaframleiðandinn Koenigsegg hefur tilkynnt um samstarf við núverandi eiganda Saab, National Electric Vehicle Sweden (NEVS), svo hér er um að ræða ekta sænskt samstarf.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.