Veiði

Líflegt á austurbakka Hólsár

Karl Lúðvíksson skrifar
Það er vænn sjóbirtingur að veiðast við austurbakka Hólsár þessa dagana.
Það er vænn sjóbirtingur að veiðast við austurbakka Hólsár þessa dagana.

Sjóbirtingsveiðin er að taka vel við sér þessa dagana og það er að venju mikið sótt í vinsælustu svæðin en það eru líka ný og spennandi svæði sem er vert að prófa.

Austurbakki Hólsár er yfirleitt betur þekktur sem laxveiðisvæði enda fer mikið af laxi þarna í gegn á leið sinni í Eystri Rangá og þegar göngurnar koma þarna í gegn getur oft verið mikið líf. Nú þegar göngurnar eru að mestu búnar í Eystri Rangá er svæðið ekki dautt, langt því frá. Það hefur verið vaxandi sjóbirtingsganga á svæðinu í gegnum árin og haustin geta verið mjög lífleg.

Síðustu daga hefur til að mynda verið ágæt veiði á stórum sjóbirting og það sem meira er að það er ennþá að veiðast lax í bland og hann er nýgenginn svo það er ennþá einn og einn að ganga inn. Það er þó eftir mestu að slægjast að eltast við stóra sjóbirtinga enda geta þeir verið mjög vænir en það er ekki óalgengt að setja í 10-14 punda birtinga og nýgengnir er þetta einhver skemmtilegasti fiskur sem hægt er að takast á við.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.