Fótbolti

Messi: Hefði verið æðislegt að fá Neymar

Henry Birgir Gunnarsson skrifar
Messi og Neymar eru miklir félagar.
Messi og Neymar eru miklir félagar. vísir/getty
Stærsta saga sumarsins var um Brasilíumanninn Neymar og mögulega endurkomu hans til Barcelona. Á endanum varð ekkert af því að hann snéri aftur til Spánar.

Það duldist engum að Neymar vildi fara aftur til Spánarmeistaranna og þeir voru til í að taka á móti honum.

„Hann vildi ekkert meira en að koma aftur til okkar. Ég veit samt ekki hvort félagið reyndi raunverulega að fá hann eða ekki,“ sagði stjarna Barcelona, Lionel Messi, um málið.

Neymar skoraði 105 mörk í 186 leikjum fyrir Barca drá 2013 til 2017. Hann er búinn að skora 51 mark í 58 leikjum fyrir PSG.

„Það hefði verið æðislegt að fá hann aftur til okkar. Ég skil þá sem vildu ekki fá hann aftur og það er skiljanlegt miðað við hvernig hlutirnir voru er hann fór. Neymar er samt einn besti leikmaður heims og það hefði bara aukið okkar líkur á því að ná árangri að fá hann aftur.“




Fleiri fréttir

Sjá meira


×