Formúla 1

Williams áfram með Mercedes vélar

Bragi Þórðarson skrifar
Williams hefur ekið með Mercedes vélar frá árinu 2014 og mun halda því áfram til ársins 2025.
Williams hefur ekið með Mercedes vélar frá árinu 2014 og mun halda því áfram til ársins 2025. Getty

Formúlu 1 lið Williams hefur gert samning til ársins 2025 um að halda áfram nota Mercedes vélar í bílum sínum. Claire Williams, stjóri liðsins, er sátt með samningin og telur samstarfið eiga eftir að vera betra í framtíðinni.

,,Í gegnum árin hefur myndast mikill vinskapur milli Mercedes og Williams'' sagði Claire og var Toto Wolff, stjóri Mercedes, einnig jákvæður um fréttirnir og sagði ,,Williams er eitt frægasta liðið í Formúlu 1 og er heiður fyrir Mercedes að vinna með liðinu''.

Það hefur þó lítið gengið hjá liðinu síðastliðin ár. Árin 2014 og 2015 var árangur liðsins afar góður enda voru Mercedes vélarnar þá þær langbestu í Formúlunni.

Síðastliðin fjögur ár hefur gengið liðsins dvalað verulega og er hið sögufræga Williams lið nú það allra lélegasta og situr í langneðsta sæti heimsmeistaramótsins aðeins með eitt stig.

Claire Williams horfir þó björtum augum til framtíðar og telur samningin við Mercedes lykilatriði í að koma liðinu á beinu brautina aftur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.