Veiði

Þegar laxinn slítur tauminn

Karl Lúðvíksson skrifar
Þessi hængur veiddist í síðustu viku með þessa stóru púpu fasta í efri skoltinum.
Þessi hængur veiddist í síðustu viku með þessa stóru púpu fasta í efri skoltinum. Mynd: KL

Það hafa líklega allir veiðimenn lent í því að takast á við lax þegar taumurinn slitnar og laxinn syndir sína leið með fluguna í kjaftinum.

Veiðimenn eru þó ekki sammála um hvað gerist síðan eftir það. Kenningarnar eru nokkrar, þar á meðal að flugan á endanum detti úr fiskinum nema hún sé þeim mun fastari í honum. Undirritaður hefur í gegnum árin bæði í veiði og veiðileiðsögn ekki lent oft í því að veiða lax með flugu en það hefur þó komið fyrir nokkrum sinnum og veiðimenn í kringum mig segja það sama. Þetta er ekki algengt en gerist.

Laxinn líklega losar sig stundum við flugurnar með því að nudda sér upp við steina en þetta sér maður oft þegar það er verið að þreyta lax, hann fer utan í grjót og tekst stundum með þeirri kænsku að losa fluguna úr sér veiðimanni til mikillar gremju. Það er hins vegar þannig að þegar flugan situr föst til dæmi í beini á laxinn litla möguleika á að losna við hana. Þeir sem vita ekki betur telja að stundum drepi þetta laxin e því er víðs fjarri. Hún bara situr í honum á meðan hann dvelur í ánni og klárar hrygninguna, hvort þetta geri hængana og hrygnurnar meira aðlaðandi við ástarleiki haustsins er óvitað en hængur með nokkrar flugur í kjaftinum hlýtur að geta af sér nokkuð sterk og lausnamiðuð afkvæmi svo við skulum bara segja að það sé ekkert óhugsandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.