Veiði

95 sm lax í Elliðaánum

Karl Lúðvíksson skrifar
Björn og 95 sm laxinn.
Björn og 95 sm laxinn. Mynd: Ásgeir Heiðar
Það hefur vakið nokkra athygli að sjá hversu mikið af stórlaxi er að veiðast í Elliðaánum þetta sumarið en einn slíkur veiddist í gær.



Allir veiðimenn samfagna því þegar svona fallegur lax veiðist og fær að fara aftur í ánna eftir myndatöku og við hjá Veiðivísi óskum veiðimanninum sem er Björn Einar Björnsson til lukku með þennan glæsilega lax sem var mældur 95 sm.Það hafa sést fleiri viðlíka laxar í ánni í sumar og einn af þeim sem þekkir þær líklega betur en nokkur annar, leiðsögumaðurinn Ásgeir Heiðar, hefur sett í einn slíkann í ánni og séð hann vel.



Ásgeir taldi á sínum tíma að sá lax væri alveg klárlega um 100 sm og sagði að þetta væri líklega sá stærsti eða í það minnsta einn af þeim stærstu sem hann hafi séð í Elliðaánum. Sá lax hefur ekki ennþá verið landað en það hafa í það minnsta tveir tekist á við hann. Þess skal getið að laxinn hefur fengið viðurnefnið Moby Dick.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.