Veiði

Flottar sjóbleikjur í Eyjafjarðará

Karl Lúðvíksson skrifar
Benjamín Þorri með stóra bleikju úr Eyjafjarðará
Benjamín Þorri með stóra bleikju úr Eyjafjarðará Mynd: Benjamín Þorri FB

Eyjafjarðará er ein af þeim ám norðan heiða sem geymir afar vænar sjóbleikjur og þær fara stækkandi eftir að veiðimenn fóru í auknum mæli að sleppa fiski.

Það er mjög greinilegt að eftir að veitt og sleppt var tekið upp að mestu í ánni að sífellt fleiri stórbleikjur eru að veiðast og þær verða að sama skapi sífellt stærri. Benjamín Þorri Bergsson var við veiðar 19. ágúst og sendi okkur smá póst um þessa ferð og þær mögnuðu bleikjur sem fengust á færið.

"Við byrjuðum daginn klukkan 7:00 á Ármótabreiðu á svæði 5 í Eyjafjarðará og settum strax í fiska, einn 60 cm og annan minni. Síðan færðum við okkur á efsta staðinn í ánni sem geymir stórar bleikjur þar missti ég vænan fisk en skömmu seinna setti ég í mjög stóra bleikju, korteri seinna kom þessi 69 cm bleikja á land en hún vóg 7,5 pund og tók Krókinn sem afi minn Gylfi Kristjánsson heitinn hnýtti.

Við ákváðum svo að færa okkur neðst á svæðið þar sem teljari hafði verið um árið en þar er oft mikið af fiski. Settu félagar mínir Eyþór 13 ára og bróðir hans Ívar 11 ára strax í fiska en þetta var fyrsta veiðiferð þeirra á 5. svæði í Eyjafjarðará og fyrstu en ekki síðustu fiskarnir þeirra þar. Við kláruðum fyrri vaktina með 6 fiska á land og misstum tvo. Klukkan 15:00 beið okkur kvöldvaktin og þar settum við í ca 15 fiska stærstu 66 cm bleikju sem Eyþór Rúnarsson setti í og landaði og rokvæna 60 cm bleikju sem Ívar Rúnarsson náði. Töluvert var af sjóbirtingi á svæðinu en 3 birtingar komu á land og nokkrir duttu af allir eins í stærð og algjörir kubbar. Við enduðum því daginn með um 20 fiska á land og öllu sleppt."



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.